«Өнеркәсіптік қауіпсіздік саласындағы нормативтік актілерді бекіту туралы» Қазақстан Республикасы Төтенше жағдайлар министрінің 2008 жылғы 25 шілдедегі № 132 бұйрығына өзгерту енгізу туралы
Қазақстан Республикасы Төтенше жағдайлар министрінің 2014 жылғы 18 ақпандағы № 62 бұйрығы
ҚР Ішкі істер министрінің 2015 жылғы 4 желтоқсандағы № 993 бұйрығымен күші жойылды
«Қауіпті өндірістік объектілердегі өнеркәсіптік қауіпсіздік туралы» 2002 жылғы 3 сәуірдегі Қазақстан Республикасы Заңының 7-бабы 17-1) тармақшасына сәйкес, БҰЙЫРАМЫН:
1. «Өнеркәсіптік қауіпсіздік саласындағы нормативтік актілерді бекіту туралы» Қазақстан Республикасы Төтенше жағдайлар министрінің 2008 жылғы 25 шілдедегі № 132 бұйрығына мынадай өзгерту енгізілсін:
аталған бұрықпен бекітілген Жер асты өндіру тәсілімен жұмыстарды жүргізу кезіндегі өнеркәсіптік қауіпсіздік талаптарында:
15-тармақ мынадай редакцияда оқылсын:
«Жер асты тау-кен жұмыстарын жүргізетін объектілер персоналды бақылау, авария туралы хабарлау, персоналды іздеу және жайғастыру жүйелерімен, объектке қызмет көрсететін авариялық-құтқару қызметімен тікелей телефон және соған ұқсас байланыспен жабдықталады.
