Учаскелік комиссиялар туралы ережені келісу туралы
Шығыс Қазақстан облыстық мәслихатының кезектi XVII сессиясының 2013 жылы 11 желтоқсандағы № 17/197-V шешімі
«Мемлекеттік атаулы әлеуметтік көмек туралы» Қазақстан Республикасының 2001 жылғы 17 шілдедегі Заңының 5-бабы 3-тармағына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 6-бабы 1-тармағының 15) тармақшасына сәйкес Шығыс Қазақстан облыстық мәслихаты ШЕШТІ:
1. Қоса беріліп отырған Учаскелік комиссиялар туралы ереже келісілсін.
2. «Учаскелік комиссиялар туралы ережені келісу туралы» Шығыс Қазақстан облыстық мәслихатының 2006 жылғы 4 сәуірдегі № 17/251-III шешімінің күші жойылсын.
3. Осы шешім қабылданған күнінен бастап қолданысқа енгізіледі.
Сессия төрағасы | С. Солдатов |
Шығыс Қазақстан облыстық мәслихатының хатшысы | Г. Пинчук |
Шығыс Қазақстан облыстық
мәслихатының
2013 жылғы 11 желтоқсандағы
№ 17/ 197-V шешімімен
келісілді
Учаскелік комиссиялар туралы
ереже
1. Жалпы ереже
1. Осы Учаскелік комиссиялар туралы ереже (бұдан әрі - Ереже) «Мемлекеттік атаулы әлеуметтік көмек туралы» 2001 жылғы 17 шілдедегі Қазақстан Республикасы Заңының 5-бабы 3-тармағына, «Балалы отбасыларға берiлетiн мемлекеттiк жәрдемақылар туралы» Қазақстан Республикасының 2005 жылғы 28 маусымдағы Заңы және «Әлеуметтік көмек көрсетудің, оның мөлшерін белгілеудің және мұқтаж азаматтардың жекелеген санаттарының тізбесін айқындаудың үлгілік қағидаларын бекіту туралы» Қазақстан Республикасы Үкіметінің 2013 жылғы 21 мамырдағы № 504 қаулысына және «Учаскелік комиссиялар туралы үлгілік ережені бекіту туралы» Қазақстан Республикасы Еңбек және халықты әлеуметтік қорғау министрінің 2009 жылғы 28 қаңтардағы № 29-ө бұйрығына сәйкес әзірленді және учаскелік комиссиялардың мәртебесі мен өкілеттігін айқындайды.
2. Осы ережеде пайдаланылатын негізгі ұғымдар:
