Қазақстан Республикасы Үкіметінiң кейбір шешiмдерiне өзгерістер енгізу және олардың күшi жойылды деп тану туралы
Қазақстан Республикасы Үкіметінің 2002 жылғы 16 шілдедегі № 789 Қаулысы
(2003.21.04. берілген өзгерістер мен толықтырулармен)
Осы редакция 2014 жылғы 24 ақпанда енгізілген өзгерістеріне дейін қолданылды
Қазақстан Республикасы Президентінің «Қазақстан Республикасының мемлекеттік бюджет есебiнен қамтылған органдары қызметкерлерiне еңбекақы төлеудiң бiрыңғай жүйесi туралы» 2001 жылғы 25 наурыздағы № 575 Жарлығының 6-тармағының 3) тармақшасын орындау үшiн, сондай-ақ Қазақстан Республикасы Үкіметінiң бұрын қабылданған шешiмдерiн қолданылып жүрген заңнамаға сәйкес келтiру мақсатында Қазақстан Республикасының Үкіметі қаулы етеді:
1. Қоса беріліп отырған Қазақстан Республикасы Үкіметінiң кейбір шешiмдерiне енгiзiлетiн өзгерістер бекітілсiн.
2. Қосымшаға сәйкес Қазақстан Республикасы Үкіметінiң кейбір шешiмдерiнiң күшi жойылды деп танылсын.
3. Осы қаулы қол қойылған күнiнен бастап күшiне енедi.
Қазақстан Республикасының
| Премьер-Министрі | И. Тасмағамбетов |
Қазақстан Республикасы
Үкіметінің 2002 жылғы
16 шілдедегі № 789
қаулысымен
бекітілген
Қазақстан Республикасы Yкіметінiң
кейбір шешiмдерiне енгізілетiн өзгерістер
ҚР Үкіметінің 21.04.03 ж. № 373 қаулысымен 1-тармақтың күшi жойылды
1. «Офицерлiк құрам лауазымдарында әскери қызмет өткеру мен осы әскери қызметшiлердi Қазақстан Республикасының қарулы күштерiнен босату туралы контрактiлер жасасудың тәртібі туралы уақытша ереженi бекіту туралы» Қазақстан Республикасы Үкіметінiң 1996 жылғы 12 мамырдағы № 580 қаулысына (Қазақстан Республикасының ПҮКЖ-ы, 1996 ж., № 20, 176-құжат):
көрсетiлген қаулымен бекітілген Офицерлiк құрам лауазымдарында әскери қызмет өткеру мен осы әскери қызметшiлердi Қазақстан Республикасының қарулы күштерiнен босату туралы контрактiлер жасасудың тәртібі туралы уақытша ережеде:
26, 27, 28, 30-тармақтар және 31-тармақтың а) тармақшасы алынып тасталсын.
