Тауар биржаларының, биржалық брокерлер мен биржалық дилерлердің қызметін лицензиялаудың кейбір мәселелері туралы
Қазақстан Республикасы Үкіметінің 2012 жылғы 21 желтоқсандағы № 1653 Қаулысы
Осы редакция 2014 жылғы 25 ақпанда енгізілген өзгерістеріне дейін қолданылды
«Лицензиялау туралы» 2007 жылғы 11 қаңтардағы Қазақстан Республикасы Заңының 6-бабына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған тауар биржаларының, биржалық брокерлер мен биржалық дилерлердің қызметіне қойылатын біліктілік талаптары және оларға сәйкестікті растайтын құжаттар тізбесі бекітілсін.
2. Тауар биржаларының, биржалық брокерлер мен биржалық дилерлердің қызметін жүзеге асыру бойынша лицензиар болып Қазақстан Республикасы Экономикалық даму және сауда министрлігінің Сауда комитеті айқындалсын.
3. Осы қаулыға қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.
4. Осы қаулы алғашқы ресми жарияланғанынан кейін күнтізбелік алпыс күн өткен соң қолданысқа енгізіледі.
| Қазақстан Республикасының Премьер-Министрі | С. Ахметов |
Қазақстан Республикасы
Үкіметінің
2012 жылғы 21 желтоқсандағы
№ 1653 қаулысымен
бекітілген
Тауар биржаларының, биржалық брокерлер мен биржалық дилерлердің
қызметіне қойылатын біліктілік талаптары және оларға сәйкестікті растайтын құжаттар
тізбесі
| | Біліктілік талаптары мыналардың болуын көздейді: | Құжаттар | Ескертпе |
| 1 | 2 | 3 | 4 |
| тауар биржаларының қызметіне |
| 1 | Қазақстан Республикасының Үкіметі белгілеген тауар биржаларының электрондық сауда жүйесіне қойылатын жалпы талаптарына жауап беретін тауар биржасының электрондық сауда жүйесі | Негізгі құралдардан үзінді көшірмелер немесе қабылдау-тапсыру, пайдалануға енгізу туралы акті | Барлық құжаттар электронды нысанда (түрлі түсті сканерленген) ұсынылады |
