«Тіркелген қылмыстар мен қылмыстық қудалау органдары қызметінің нәтижелері туралы» № 1-М нысанды есепті және оны құрастыру жөніндегі Нұсқаулықты бекіту туралы» Қазақстан Республикасы Бас Прокурорының 2003 жылғы 31 қазандағы № 62 бұйрығына өзгерістер енгізу туралы
Қазақстан Республикасы Бас прокурорының 2014 жылғы 1 сәуірдегі № 30 бұйрығы
ҚР Бас Прокурорының 2014 жылғы 8 қазандағы № 111 бұйрығымен күші жойылды
Келтірілген және өтелген нұқсан сомасының мөлшерін есепке алуды одан әрі жетілдіру және хабар-ошарсыз жоғалған адамдарды және қылмыстық қудалау органдары мен соттан жасырынған адамдарды, сондай-ақ танылмаған мәйіттер бойынша белгісіз азаматтардың жеке басын анықтау нәтижелерін есепке алу мақсатында, «Прокуратура туралы» 1995 жылғы 21 желтоқсандағы Қазақстан Республикасы Заңының 11-бабы 4-1) тармақшасын басшылыққа ала отырып, БҰЙЫРАМЫН:
1. «Тіркелген қылмыстар мен қылмыстық қудалау органдары қызметінің нәтижелері туралы» № 1-М нысанды есепті және оны құрастыру жөніндегі Нұсқаулықты бекіту туралы» Қазақстан Республикасы Бас Прокурорының 2003 жылғы 31 қазандағы № 62 бұйрығына (Нормативтік құқықтық актілерді мемлекеттік тіркеу тізілімінде № 2576 болып тіркелген) келесі өзгерістер енгізілсін:
аталған бұйрықпен бекітілген «Тіркелген қылмыстар мен қылмыстық қудалау органдары қызметінің нәтижелері туралы» № 1-М нысанды есепте:
8-бөлім осы бұйрықтың 1-қосымшасына сәйкес редакцияда жазылсын;
13, 13А, 13Б бөлімдері осы бұйрықтың 2-қосымшасына сәйкес редакцияда жазылсын;
18-тармақ мынадай редакцияда жазылсын:
«18. Осы бөлім тергеуден, анықтаудан, соттан және жазасын өтеуден жасырынған, хабар-ошарсыз жоғалған адамдарды іздеу туралы, сондай-ақ белгісіз азаматтар мәйіттерінің жеке басын анықтау бойынша жұмыстың нәтижелері туралы мәліметтерді қамтиды.
