Жерлерді нысаналы мақсатта пайдаланудың жіктеуішін бекіту туралы
Қазақстан Республикасы Өңірлік даму министрінің 2014 жылғы 2 маусымдағы № 158/НҚ бұйрығы
ҚР Ұлттық экономика министрінің 2015 жылғы 27 ақпандағы № 146 бұйрығымен күші жойылды
Қазақстан Республикасының Жер кодексі 14-бабы 1-тармағының 7-1) тармақшасына сәйкес, БҰЙЫРАМЫН:
1. Қоса ұсынылған Жерлерді нысаналы мақсатта пайдаланудың жіктеуіші бекітілсін.
2. Жер ресурстарын басқару комитеті (Б.Ә. Смағұлов) осы бұйрықты заңнама түрінде белгіленген тәртіппен Қазақстан Республикасы Әділет министрлігінде, мемлекеттік тіркеуден өткізіп, оны ресми түрде «Әділет» ақпараттық-құқықтық жүйесімен және ресми бұқаралық ақпарат құралдарында жариялауды қамтамасыз етсін.
3. Осы бұйрықтың орындалуын бақылау Қазақстан Республикасы Өңірлік даму министрінің Бірінші орынбасары Қ.А. Өскенбаевқа жүктелсін.
4. Осы бұйрық мемлекеттік тіркеуден өткен соң қолданысқа енгізіледі және ресми жариялануға жатады.
Қазақстан Республикасының
Өңірлік даму Министрлігінің
2014 жылғы 2 маусымдағы
№ 158/НҚ бұйрығымен бекілген
Жерлерді нысаналы мақсатта пайдалану
жіктеуіші
| Аймақ түрінің индексі | Жер учаскелері аумағының функционалдық мақсатының (пайдалану түрі) | Жер учаскелері аумағының функционалдық мақсатының (пайдалану) үлгісі | Жер учаскелеріндегі ғимараттардың және құрылыстардың (жайлар) функционалдық мақсатының (пайдалану) түрі | Жер учаскелеріндегі ғимараттардың және құрылыстардың (жайлар) функционалдық мақсатының (пайдалану) үлгісі | Жер учаскесінің нысаналы мақсаты | Жер учаскесінің нысаналы мақсатының коды |
| 1 | 2 | 3 | 4 | 5 | 6 | 7 |
| 1. (Ж) | Тұрғын үй құрылысы | Тұрғын | Жеке тұрғын үй | Өмір сүру үшін | Жеке тұрғын үйді және тұрғын емес ғимаратты (жайды) пайдалану және қызмет көрсету | 1.1 |
