Көркемөнерпаздар ұжымдарына «Халықтық» (үлгілі) атағын беру Ережесін бекіту туралы» Қазақстан Республикасы Мәдениет және ақпарат министрiнiң 2007 жылғы 28 наурыздағы № 93 бұйрығына өзгерiстер енгiзу туралы
Қазақстан Республикасы Мәдениет министрінің 2014 жылғы 18 маусымдағы № 77 бұйрығы
«Нормативтік құқықтық актілер туралы» 1998 жылғы 24 наурыздағы Қазақстан Республикасы Заңының 43-1-бабына сәйкес бұйырамын:
Қазақстан Республикасы Мәдениет және ақпарат министрiнiң 2007 жылғы 28 наурыздағы № 93 «Көркемөнерпаздар ұжымдарына «Халықтық» (үлгілі) атағын беру Ережесін бекіту туралы» бұйрығына (Нормативтiк құқықтық актiлердi мемлекеттiк тiркеу тiзiлiмiнде № 4632 болып тiркелген 2007 жылғы наурызда-сәуірде Қазақстан Республикасының Орталық атқарушы және өзге де орталық мемлекеттік органдарының актілер жинағында жарияланған) мынадай өзгерiстер енгiзiлсiн:
тақырыбы мынадай редакцияда жазылсын:
«Көркемөнерпаздар ұжымдарына «Халықтық» (үлгілі) атағын беру қағидаларын бекіту туралы»
кіріспе мынадай редакцияда жазылсын:
«Мәдениет туралы» 2006 жылғы 15 желтоқсандағы Қазақстан Республикасы Заңының 7-бабы 28) тармақшасына сәйкес бұйырамын:»;
1-тармақ мынадай редакцияда жазылсын:
«1. Қоса беріліп отырған Көркемөнерпаздар ұжымдарына «Халықтық» (үлгілі) атағын беру қағидалары бекітілсін.»
көрсетiлген бұйрықпен бекiтiлген көркемөнерпаздар ұжымдарына «Халықтық» (үлгілі) атағын беру Ережесі осы бұйрықтың қосымшасына сәйкес жаңа редакцияда жазылсын.
2. Қазақстан Республикасы Мәдениет министрлiгiнiң Мәдениет және өнер істері комитеті:
1) осы бұйрықты Қазақстан Республикасы Әдiлет министрлiгiнде бекітілген заңнамаға сәйкес мемлекеттiк тiркелуiн;
2) осы бұйрықтың мемлекеттік тіркелуінен кейін он күнтізбелік күннің ішінде мерзімді баспасөз басылымдарында және «Әділет» ақпараттық- құқықтық жүйесінде ресми жариялау үшін жолдауды;
3) осы бұйрықтың Қазақстан Республикасы Мәдениет министрлігінің интернет-ресурсында орналастыруын қамтамасыз етсін.
