Мемлекеттік инспекторлардың актілерінің нысандарын бекіту туралы
Қазақстан Республикасы Төтенше жағдайлар министрінің 2014 жылғы 11 маусымдағы № 287 бұйрығы
ҚР Ішкі істер министрінің 2015 жылғы 29 қазандағы № 875 бұйрығымен күші жойылды
«Азаматтық қорғау туралы» 2014 жылғы 11 сәуірдегі Қазақстан Республикасының Заңы 12-бабының 1-тармағы 63) тармақшасына сәйкес, БҰЙЫРАМЫН:
1. Қоса беріліп отырған, жүргізілген тексерулердің нәтижелері бойынша мемлекеттік инспекторлардың актілерінің нысандары бекітілсін:
1) осы бұйрыққа 1-қосымшаға сәйкес тексеру нәтижелері туралы акті;
2) осы бұйрыққа 2-қосымшаға сәйкес бұзушылықтарды жою туралы нұсқама;
3) осы бұйрыққа 3-қосымшаға сәйкес әкімшілік құқық бұзушылық туралы хаттама;
4) осы бұйрыққа 4-қосымшаға сәйкес әкімшілік жаза қолдану туралы қаулы;
5) осы бұйрыққа 5-қосымшаға сәйкес қауіпті өндірістік объектілерді, техникалық құрылғыларды пайдаланумен байланысты қызметке немесе қызметтің жекелеген түрлеріне тыйым салу не оны тоқтата тұру туралы акті.
2. Қазақстан Республикасы Төтенше жағдайлар министрінің 2013 жылғы 28 тамыздағы № 386 «Өнеркәсіптік қауіпсіздік саласындағы мемлекеттік инспекторлардың актілері формаларын бекіту туралы» бұйрығының (Нормативтік құқықтық актілерді мемлекеттік тіркеу тізілімінде № 8666 нөмірімен тіркелген, 2013 жылғы 11 қыркүйекте «Егемен Қазақстан» газетінде жарияланған) күші жойылды деп танылсын.
3. Қазақстан Республикасы Төтенше жағдайлар министрлігінің Төтенше жағдайларды және өнеркәсіптік қауіпсіздікті мемлекеттік бақылау және өртке қарсы қызмет комитеттері және Азаматтық қорғаныс департаменті заңнамамен белгіленген тәртіпте:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрықтың күшіне енген күнінен кейін күнтізбелік отыз күн ішінде бұқаралық ақпарат құралдарында ресми жариялануын;
