Жеке қосалқы шаруашылықтарда ірі қара малдың аналық мал басын қолдан ұрықтандыру жөніндегі шығындарды 100 %-ға дейін өтеуге арналған субсидиялар нормативтерін, қолдан ұрықтандыру қызметін жеткізушілерге қойылатын өлшемдер мен талаптарды, сондай-ақ асыл тұқымды мал шаруашылығын дамытуды және мал шаруашылығы өнімінің өнімділігі мен сапасын арттыруды субсидиялау бағыттары бойынша субсидиялар көлемдерін бекіту туралы
Алматы облысы әкімдігінің 2014 жылғы 26 наурыздағы № 83 Қаулысы
Осы редакция 2014 жылғы 30 шілдеде енгізілген өзгерістеріне дейін қолданылды
Қазақстан Республикасы Үкіметінің 2014 жылғы 18 ақпандағы «Асыл тұқымды мал шаруашылығын дамытуды, мал шаруашылығы өнімінің өнімділігі мен сапасын арттыруды жергілікті бюджеттерден субсидиялау қағидаларын бекіту туралы» № 103 қаулысына сәйкес облыс әкімдігі ҚАУЛЫ ЕТЕДІ:
1. Бекітілсін:
1) жеке қосалқы шаруашылықтарда ірі қара малдың аналық мал басын қолдан ұрықтандыру жөніндегі шығындарды 100 %-ға дейін өтеуге арналған субсидиялар нормативтері осы қаулының 1 қосымшасына;
2) жеке қосалқы шаруашылықтардағы ірі қара малдың аналық мал басын қолдан ұрықтандыру қызметін жеткізушілерге қойылатын өлшемдер мен талаптар осы қаулының 2 қосымшасына;
3) асыл тұқымды мал шаруашылығын дамытуды және мал шаруашылығы өнімінің өнімділігі мен сапасын арттыруды субсидиялау бағыттары бойынша субсидиялар көлемдерін осы қаулының 3, 4 қосымшаларына сәйкес.
2. «Алматы облысының ауыл шаруашылығы басқармасы» мемлекеттік мекемесі (А. Көшкімбаев) субсидиялауды қаржыландыруды жергілікті бюджеттен жүзеге асырсын.
3. Осы қаулының орындалуын бақылау облыс әкімінің орынбасары Т.Досымбековке жүктелсін.
4. Осы қаулы әділет органдарында мемлекеттік тіркелген күннен бастап күшіне енеді және алғаш ресми жарияланғаннан кейін күнтізбелік он күн өткен соң қолданысқа енгізіледі.
| Алматы облысының әкімі | А. Мұсаханов |
«КЕЛІСІЛДІ»
Қазақстан Республикасының
Ауыл шаруашылығы министрі
А. Мамытбеков
2014 жылғы 26 наурыз
Облыс әкімдігінің 2014 жылғы
26 наурыздағы «Жеке қосалқы
шаруашылықтарда ірі қара малдың
аналық мал басын қолдан
