Шет мемлекеттердің дипломатиялық өкілдіктерін немесе консулдық мекемелерін шетелдіктердің ұсталуы және күзетпен ұсталуы жөнінде хабарлау туралы қағиданы бекіту туралы
Қазақстан Республикасы Бас прокурорының 2014 жылғы 3 қыркүйетегі № 87 және Қазақстан Республикасы Сыртқы істер министрінің м.а. 2014 жылғы 26 қыркүйектегі № 08-1-1-1/428 бірлескен бұйрығы
2014 жылғы 4 шілдедегі Қазақстан Республикасының Қылмыстық-процестік кодексінің 135 және 148-баптарын жүзеге асыру мақсатында БҰЙЫРАМЫЗ:
1. Қоса беріліп отырған Шет мемлекеттердің дипломатиялық өкілдіктерін немесе консулдық мекемелерін шетелдіктердің ұсталуы және күзетпен ұсталуы жөнінде хабарлау туралы қағида бекітілсін.
2. Осы бұйрық Қазақстан Республикасының мүдделі мемлекеттік органдарына орындау үшін жолдансын.
3. Облыс, Астана және Алматы қалаларының прокурорлары, сондай-ақ оларға теңестірілген прокурорлар осы бұйрықтың орындалуын қадағалауды қамтамасыз етсін.
4. Қазақстан Республикасы Бас прокуратурасының Халықаралық ынтымақтастық департаменті осы бұйрықтың Қазақстан Республикасының Әділет министрлігінде мемлекеттік тіркелуін қамтамасыз етсін.
5. Осы бұйрықтың орындалуын бақылау Қазақстан Республикасы Бас Прокурорының және Қазақстан Республикасы Сыртқы істер министрінің бірінші орынбасарларына жүктелсін.
6. Осы бұйрық ресми жариялануға жатады және 2015 жылдың 1 қаңтарынан бастап қолданысқа енгізіледі.
| Қазақстан Республикасының Бас Прокуроры | А. Қ. Дауылбаев |
| Қазақстан Республикасы Сыртқы істер министрінің міндетін атқарушы | Р. С. Жошыбаев |
