Инвестицияларды мемлекеттік қолдау саласындағы нысандарды бекіту туралы
Қазақстан Республикасы Премьер-Министрінің орынбасары - Қазақстан Республикасы Индустрия және жаңа технологиялар министрінің 2013 жылғы 26 шілдедегі № 229 бұйрығы
Осы редакция 2014 жылғы 2 қыркүйекте енгізілген өзгерістеріне дейін қолданылды
«Инвестициялар туралы» Қазақстан Республикасы Заңының 19-бабына және 21-1-бабының 5-тармағына және 2-тармағына, «Мемлекеттік статистика туралы» Қазақстан Республикасы Заңының 16-бабының 3-тармағының 2) тармақшасына сәйкес БҰЙЫРАМЫН:
1. Мыналар:
1) осы бұйрыққа қоса беріліп отырған 1-қосымшаға сәйкес инвестициялық преференцияларды беруге арналған өтінімнің нысаны;
2) осы бұйрыққа қоса беріліп отырған 2-қосымшаға сәйкес инвестициялық келісімшартты орындау туралы жартыжылдық есептердің нысаны;
3) осы бұйрыққа қоса беріліп отырған 3-қосымшаға сәйкес инвестициялық келісімшарттың жұмыс бағдарламасын орындаудың ағымдағы жай-күйі актісінің нысаны бекітілсін.
2. Қазақстан Республикасы Индустрия және жаңа технологиялар министрлігінің Инвестиция комитеті (Е. Хаиров) заңнамада белгіленген тәртіпте Қазақстан Республикасының Әділет министрлігінде осы бұйрықтың мемлекеттік тіркелуін және бұқаралық ақпарат құралдарында ресми жариялануын қамтамасыз етсін.
3. Мыналардың күші жойылды деп танылсын:
1) «Инвестициялық келісімшартты орындау бойынша жартыжылдық есептердің үлгісін бекіту туралы» Қазақстан Республикасының Индустрия және жаңа технологиялар министрінің 2012 жылғы 1 маусымдағы № 182 бұйрығы (Нормативтік құқықтық актілерді мемлекеттік тіркеу тіркелімінде № 7757 болып тіркелген, «Казахстанская правда» газетінде 2012 жылғы 4 тамызда № 251-253 (27070-27072) жарияланған);
2) «Инвестицияларды мемлекеттік қолдаудың кейбір мәселелері туралы» Қазақстан Республикасы Индустрия және жаңа технологиялар министрінің 2012 жылғы 1 маусымдағы № 184 бұйрығының 1) тармағының 1) тармақшасы (Нормативтік құқықтық актілерді мемлекеттік тіркеу тіркелімінде № 7760 болып тіркелген, «Казахстанская правда» газетінде 2012 жылғы 28 маусымда № 280-281 (27099-27100) жарияланған);
