Сот сараптамасы зерттеулерінің әдістемелерін әзірлеу, байқаудан өткізу және енгізу ережесін бекіту туралы
Қазақстан Республикасы Әділет министрінің 2010 жылғы 20 сәуірдегі № 124 бұйрығы
Осы редакция 2014 жылғы 15 қазанда енгізілген өзгерістеріне дейін қолданылды
«Қазақстан Республикасындағы сот-сараптама қызметі туралы» Қазақстан Республикасының Заңын іске асыру мақсатында БҰЙЫРАМЫН:
1. Қоса беріліп отырған Сот сараптамасы зерттеулерінің әдістемелерін әзірлеу, байқаудан өткізу және енгізу ережесі бекітілсін.
2. Осы бұйрықтың орындалуын бақылау жетекшілік ететін Әділет вице-министріне жүктелсін.
3. Осы бұйрық алғаш рет ресми жарияланғаннан кейін он күнтізбелік күн өткен соң қолданысқа енгізіледі.
Қазақстан Республикасы
Әділет министрінің
2010 жылғы 20 сәуірдегі
№ 124 бұйрығымен
бекітілген
Сот сараптамалық зерттеулерінің әдістемелерін әзірлеу, байқаудан өткізу және енгізу
ережесі
1. Жалпы ережелер
1. Осы Сот сараптамалық зерттеулерінің әдістемелерін әзірлеу, байқаудан өткізу және енгізу ережесі (бұдан әрі - Ереже) «Қазақстан Республикасындағы сот сараптама қызметі туралы» Қазақстан Республикасы Заңының 42-бабына сәйкес әзірленген және сот сарапшылары әзірлейтін және қолданатын сот-сараптамалық зерттеулерінің әдістемелерін әзірлеу, байқаудан өткізу және енгізудің тәртібін анықтайды.
2. Әзірленіп жатқан сот-сараптамалық зерттеулері әдістемелерінің мақсаты сот сараптамалары өндірісінің сапасын арттыруға және қылмыстық істерді ашу, тергеу істерінде және қылмыстық, азаматтық істер мен әкімшілік құқық бұзушылық туралы істерді сотта қарауда пайда болатын мәселелерді тиімді шешу, сондай-ақ ғылыми білімнің сот сараптамасы саласын дамыту болып табылады.
3. Әзірленіп жатқан сот сараптамалық зерттеулері әдістемелерінің міндеттері:
1) сот сараптамасы органдары сот сарапшыларының және ғылыми қызметкерлерінің ғылыми-зерттеу қызметін ретке келтіру және жүйелеу;
