Құтқарушылардың денсаулық жағдайының сай келуіне және оларды медициналық куәландырудан өткізуге қойылатын талаптарды бекіту туралы
Қазақстан Республикасы Ішкі істер министрінің 2014 жылғы 25 қарашадағы № 843 бұйрығы
(2020.27.10. берілген өзгерістермен)
«Азаматтық қорғау туралы» 2014 жылғы 11 сәуірдегі Қазақстан Республикасы Заңының 12-бабы 1-тармағының 68) тармақшасын орындау мақсатында БҰЙЫРАМЫН:
1. Қоса беріліп отырған Құтқарушылардың денсаулық жағдайының сай келуіне және оларды медициналық куәландырудан өткізуге қойылатын талаптар бекітілсін.
2. Қазақстан Республикасы Ішкі істер министрлігінің Төтенше жағдайлар комитеті (В.В. Петров):
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрықтың Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде бұқаралық ақпарат құралдарында және «Әділет» ақпараттық-құқықтық жүйесінде ресми жариялауға жіберілуін;
3) осы бұйрықтың Қазақстан Республикасы Ішкі істер министрлігінің ресми интернет-ресурсында жариялануын қамтамасыз етсін.
3. Осы бұйрықтың орындалуын бақылау Ішкі істер министрінің орынбасары В.К. Божкоға жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Ішкі істер министрі | Қ. Қасымов |
«Келісілді»
Денсаулық сақтау және
әлеуметтік даму министрі
Т. Дүйсенова
2014 жылғы «___» _______
Қазақстан Республикасы
Ішкі істер министрінің
2014 жылғы 25 қарашадағы
№ 843 бұйрығымен
бекітілді
Құтқарушылардың денсаулық жағдайының сай келуіне және оларды
медициналық куәландырудан өткізуге қойылатын
талаптар
1. Құтқарушылардың денсаулық жағдайына қойылатын талаптар
ҚР Төтенше жағдайлар министрінің 2020.27.10. № 11 бұйрығымен 1-тармақ өзгертілді (бұр.ред.қара)
1. Құтқарушылардың денсаулығы жағдайына қойылатын талаптар мынадай аурулардың болуына жол бермейді:
