Қазақстан Республикасының аумағында айналымына жол берілмейтін ветеринариялық препараттардың тізбесін бекіту туралы
Қазақстан Республикасы Ауыл шаруашылығы министрінің 2026 жылғы 30 наурыздағы № 103 бұйрығы
Еуразиялық экономикалық одақтың Кеңесінің 2022 жылғы 21 қаңтардағы № 1 шешімімен бекітілген Еуразиялық экономикалық одақтың кедендік аумағында ветеринариялық дәрілік заттардың айналымын реттеу қағидаларының № 4 қосымшасына және Еуропалық Парламент пен Кеңестің 2019/6 Регламетіне (ЕО) және 2022 жылғы 19 шілдедегі Комиссияның (ЕО) № 2022/1255 Регламентіне сәйкес адамның кейбір инфекцияларын емдеуге арналған микробқа қарсы препараттар немесе микробқа қарсы препараттар топтарының анықтамаларына сәйкес БҰЙЫРАМЫН:
1. Мыналар:
1) осы бұйрыққа 1-қосымшаға сәйкес Қазақстан Республикасының аумағында айналымына жол берілмейтін ветеринариялық препараттардың тізбесі;
2) осы бұйрыққа 2-қосымшаға сәйкес аквашаруашылық және бал ара шаруашылығын қоса алғанда, өнімді жануарлардың ауруларын емдеуге тыйым салынған микробтарға қарсы препараттардың және микробтарға қарсы препараттар тобының тізбесі бекітілсін.
2. Қазақстан Республикасы Ауыл шаруашылығы министрлігінің Ветеринариялық бақылау және қадағалау комитетіне Қазақстан Республикасының заңнамасында белгіленген тәртіппен:
1) осы бұйрықтың электрондық көшірмесін Қазақстан Республикасы Нормативтік құқықтық актілерінің эталондық бақылау банкіне енгізу үшін Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына жіберілуін;
2) осы бұйрықтың Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасы ауыл шаруашылығы вице-министріне жүктелсін.
4. Осы бұйрық алғашқы ресми жарияланған күнінен кейін он күн өткен соң қолданысқа енгізіледі.
