Салық төлеушінің паспортында қамтылған мәліметтер тізбесін, оны қалыптастыру және уәкілетті органның интернет-ресурсында орналастыру қағидалары мен мерзімдерін белгілеу туралы
Қазақстан Республикасы Қаржы министрінің 2025 жылғы 17 қазандағы № 917 бұйрығы
Қазақстан Республикасы Салық кодексінің 36-бабы 4-тармағына сәйкес БҰЙЫРАМЫН:
1. Белгіленсін:
1) осы бұйрыққа 1-қосымшаға сәйкес Салық төлеушінің паспортында қамтылған мәліметтер тізбесі;
2) осы бұйрыққа 2-қосымшаға сәйкес Салық төлеушінің паспортын қалыптастыру және оны уәкілетті органның интернет-ресурсында орналастыру қағидалары мен мерзімдері белгіленсін.
2. Қазақстан Республикасы Қаржы министрлігінің Мемлекеттік кірістер комитеті Қазақстан Республикасының заңнамасында белгіленген тәртіппен:
1) осы бұйрықтың Қазақстан Республикасының Әділет министрлігінде мемлекеттік тіркелуін;
2) осы бұйрықты ресми жарияланғаннан кейін Қазақстан Республикасы Қаржы министрлігінің интернет-ресурсында орналастыруды;
3) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Қаржы министрлігінің Заң қызметі департаментіне ұсынуды қамтамасыз етсін.
3. Осы бұйрық 2026 жылғы 1 қаңтардан бастап қолданысқа енгізіледі және ресми жариялануға тиіс.
| Қазақстан Республикасының Қаржы министрі | М. Такиев |
«КЕЛІСІЛДІ»
Қазақстан Республикасының
Жасанды интеллект және
Цифрлық даму министрлігі
«КЕЛІСІЛДІ»
Қазақстан Республикасының
Ұлттық экономика министрлігі
Қазақстан Республикасының
Қаржы министрі
2025 жылғы 17 қазандағы
№ 917 бұйрығына 1-қосымша
Салық төлеушінің паспортында қамтылған мәліметтер
тізбесі
1. Дара кәсіпкердің жеке сәйкестендіру нөмірі немесе заңды тұлғаның бизнес-сәйкестендіру нөмірі.
2. Дара кәсіпкердің немесе заңды тұлғаның атауы.
