Көлік оқиғасының сызбасын жасау ережесін және олардың үлгілік нысандарын бекіту туралы
Қазақстан Республикасының Ішкі істер министрінің 2011 жылғы 9 ақпандағы № 52 бұйрығы
Осы редакция 2015 жылғы 10 қыркүйекте енгізілген өзгерістеріне дейін қолданылды
«Көлік құралдары иелерінің азаматтық-құқықтық жауапкершілігін міндетті сақтандыру туралы» Қазақстан Республикасының 2003 жылғы 1 шілдедегі Заңының 22-1-бабының 4-бөлігіне сәйкес БҰЙЫРАМЫН:
1. Қоса беріліп отырған Көлік оқиғасының сызбасын жасау ережесі (Бұдан әрі - Ереже) бекітілсін.
2. Астана, Алматы қалалары және облыстар Ішкі істер департаменттерінің бастықтары осы бұйрықтың талаптарына сәйкес жол полициясы бөлінісінің жұмысын ұйымдастырсын.
3. Ішкі істер министрлігінің Жол полициясы комитеті (Қ.С. Тыныбеков) осы бұйрықтың Қазақстан Республикасы Әділет министрлігінде тіркелуін және оның жариялануын қамтамасыз етсін.
4. Осы бұйрықтың орындалуын бақылау Қазақстан Республикасы Ішкі істер министрінің орынбасары генерал-майор А.Ж. Күреңбековке және Қазақстан Республикасы Ішкі істер министрлігінің Жол полициясы комитетіне (Қ.С. Тыныбеков) жүктелсін.
5. Осы бұйрық алғаш ресми жарияланған күннен бастап күнтізбелік он күн өткеннен кейін қолданысқа енгізіледі.
«Келісілді»
Қазақстан Республикасы Қаржы
нарығын және қаржы ұйымдарын
реттеу мен қадағалау агенттігінің
төрайымы _________ Е.Л. Бахмутова
2011 жылғы 11 ақпан
Қазақстан Республикасы
Ішкі істер министрінің
2011 жылғы 9 ақпандағы № 52
бұйрығына қосымша
Көлік оқиғасының сызбасын жасау
ережесі
1. Осы ереже Қазақстан Республикасы ішкі істер органдарының жол полициясы бөліністерінің көлік оқиғалары болған кезде жұмысын жүзеге асыруына қатысты талаптарды белгілейді.
