Осы редакция 2025 ж. 15 қазанда енгізілген өзгерістеріне дейін қолданылды
Қазақстан Республикасы
Энергетика министрі
2024 жылғы 23 желтоқсандағы
№ 479 бұйрығына 14-қосымша
«Газ тасымалдауды басқару»
кәсіптік стандарты
1-тарау. Жалпы ережелер
1. Кәсіптік стандарттың қолдану аясы: Қазақстанда газ тасымалдауды басқару газды өндіру орындарынан, соның ішінде газ кен орындарынан өнеркәсіптік кәсіпорындарға, коммуналдық қызметтерге және тұрғын тұтынушыларға сияқты соңғы тұтынушыларға тиімді тасымалдауды қамтамасыз ету үшін қолданылады. Газ тасымалдауды басқару елдегі газ инфрақұрылымының бір бөлігі болып табылады және газ құбырларын, компрессорлық станцияларды, газ тарату станцияларын және республика бойынша газ тасымалдауды қамтамасыз ететін басқа да объектілерді ұйымдастырумен, салумен, пайдаланумен және техникалық қызмет көрсетумен байланысты экономика саласы болып табылады.
2. Осы кәсіптік стандартта мынадай терминдер, анықтамалар мен қысқартулар қолданылады:
1) газ тарату станциясы (ГТС) - газды бөлудің және оның қысымын реттеудің, өлшеу қондырғылары мен техникалық жабдықтардың және қосалқы жүйелерінің жиынтығы. Газ тарату станциялары газ тарату жүйелеріне кіреді;
2) газ айдау агрегаты (ГАА) - газ құбырларының компрессорлық станцияларында және жерасты газ қоймаларында табиғи газды компримирлеуге арналған;
3) компрессорлық станция (КС) - газды өндіру, тасымалдау және сақтау кезінде сығу қысымын арттыруға арналған құрылыстар мен жабдықтар кешені;
4) магистральдық газ құбыры (МГ) - тасымалданатын газдың қысымын арттыруды және төмендетуді қамтамасыз ететін бір немесе бірнеше газ құбырынан (желілік бөліктен) және олармен ұштасып жатқан объектілерден, телебасқару, байланыс құралдарынан және өзге де коммуникациялардан тұратын, тауарлық газды тасымалдауға арналған инженерлік құрылыс. Магистральдық газ құбыры объектілерінің құрамы жобалық құжаттамада және техникалық регламенттер талаптарында айқындалады;
