(БҰРЫНҒЫ РЕДАКЦИЯ) «ВОЛОНТЕРЛІК ҚЫЗМЕТ ТУРАЛЫ» ҚАЗАҚСТАН РЕСПУБЛИКАСЫНЫ...

ҚАЗАҚСТАН РЕСПУБЛИКАСЫНЫҢ
ЗАҢЫ

Волонтерлік қызмет туралы

(2022.04.09. берілген өзгерістер мен толықтыруларымен)

Осы редакция 2023 жылғы 19 сәуірде енгізілген өзгерістеріне дейін қолданылды

1-тарау. ЖАЛПЫ ЕРЕЖЕЛЕР

1-бап. Осы Заңда пайдаланылатын негізгі ұғымдар

2-бап. Осы Заңның реттеу нысанасы

3-бап. Қазақстан Республикасының волонтерлік қызмет туралы заңнамасы

4-бап. Волонтерлік қызметтің мақсаттары мен міндеттері, негіздері

5-бап. Волонтерлік қызметтің қағидаттары

6-бап. Волонтерлік қызметтің нысандары мен түрлері

6-1-бап. Корпоративтік волонтерлік

2-тарау. ВОЛОНТЕРЛІК ҚЫЗМЕТ САЛАСЫНДАҒЫ МЕМЛЕКЕТТІК РЕТТЕУ

7-бап. Қазақстан Республикасы Үкіметінің волонтерлік қызмет саласындағы құзыреті

8-бап. Қазақстан Республикасының орталық атқарушы органдарының волонтерлік қызмет саласындағы құзыреті

9-бап. Волонтерлік қызмет саласындағы уәкілетті органның құзыреті

10-бап. Облыстардың, республикалық маңызы бар қалалардың және астананың, аудандардың, облыстық маңызы бар қалалардың жергілікті атқарушы органдарының құзыреті

11-бап. Жергілікті өзін-өзі басқару органдарының волонтерлік қызмет саласындағы өкілеттіктері

3-тарау. ВОЛОНТЕРЛІК ҚЫЗМЕТТІ ҰЙЫМДАСТЫРУ ЖӘНЕ ҚОЛДАУ

12-бап. Волонтер

13-бап. Волонтерлерді үйлестіруші

14-бап. Волонтерлік ұйым

15-бап. Волонтерлік қызметті ұйымдастырушы

16-бап. Волонтерлік қызметті есепке алу тізілімі

17-бап. Волонтерлік қызметті қолдау және қаржылық қамтамасыз ету

4-тарау. ҚОРЫТЫНДЫ ЕРЕЖЕЛЕР

18-бап. Қазақстан Республикасының волонтерлік қызмет туралы заңнамасын бұзғаны үшін жауаптылық

19-бап. Осы Заңды қолданысқа енгізу тәртібі

Осы Заң волонтерлік қызметтің құқықтық негіздерін, мақсаттары мен міндеттерін, қағидаттарын, нысандары мен түрлерін, сондай-ақ оны қолдау шараларын белгілейді.

1-тарау. ЖАЛПЫ ЕРЕЖЕЛЕР

1-бап. Осы Заңда пайдаланылатын негізгі ұғымдар

Осы Заңда мынадай негізгі ұғымдар пайдаланылады:

1) волонтер - волонтерлік қызметті жүзеге асыратын жеке тұлға;

2) волонтерлер тобы - осы Заңда белгіленген нормалар қолданылатын, волонтерлік қызметті бірлесіп жүзеге асыру мақсатында құрылған жеке тұлғалардың тіркелмеген ерікті қоғамдастығы;