«Жекешелендірудің 2016 - 2020 жылдарға арналған кейбір мәселелері туралы» Қазақстан Республикасы Үкіметінің 2015 жылғы 30 желтоқсандағы № 1141 қаулысына өзгерістер енгізу туралы
Қазақстан Республикасы Үкіметінің 2018 жылғы 9 қарашадағы № 733 Қаулысы
Қазақстан Республикасының Үкіметі ҚАУЛЫ ЕТЕДІ:
1. «Жекешелендірудің 2016 - 2020 жылдарға арналған кейбір мәселелері туралы» Қазақстан Республикасы Үкіметінің 2015 жылғы 30 желтоқсандағы № 1141 қаулысына (Қазақстан Республикасының ПҮАЖ-ы, 2015 ж., № 77-78-79, 588-құжат) мынадай өзгерістер енгізілсін:
көрсетілген қаулыға 1-қосымшада:
басым тәртіппен жекешелендіруге жататын республикалық меншіктегі ірі ұйымдардың тізбесінде:
«Қазақстан Республикасының Қорғаныс және аэроғарыш өнеркәсібі министрлігі» деген бөлімде:
реттік нөмірі 12.1-жол алып тасталсын;
«Қазақстан Республикасы Президентінің Іс басқармасы» деген бөлімде:
реттік нөмірі 13.1-жол алып тасталсын;
көрсетілген қаулыға 2-қосымшада:
басым тәртіппен жекешелендіруге жататын коммуналдық меншіктегі ірі ұйымдардың тізбесінде:
«Қызылорда облысының әкімдігі» деген бөлімде:
реттік нөмірі 15.1-жол алып тасталсын;
көрсетілген қаулыға 4-қосымшада:
«Самұрық-Қазына» ұлттық әл-ауқат қоры» акционерлік қоғамының бәсекелес ортаға беру ұсынылатын еншілес, тәуелді ұйымдарының тізбесінде:
«ҚазМұнайГаз» ұлттық компаниясы» акционерлік қоғамы» деген бөлімде:
реттік нөмірі 42-жол мынадай редакцияда жазылсын:
«ҚМГ-Сервис Грузия» жауапкершілігі шектеулі қоғамы», оның құрамында:
1) Borjomi Likani International JSC»;
реттік нөмірлері 43 және 51-жолдар алып тасталсын;
реттік нөмірі 58-жол мынадай редакцияда жазылсын:
«Каскор-Транссервис» акционерлік қоғамы», оның құрамында:
1) «Semurg Invest Temir Zholy» жауапкершілігі шектеулі серіктестігі»;
реттік нөмірі 59-жол алып тасталсын;
көрсетілген қаулыға 5-қосымша осы қаулыға 1-қосымшаға сәйкес жаңа редакцияда жазылсын;
көрсетілген қаулыға 6-қосымша осы қаулыға 2-қосымшаға сәйкес жаңа редакцияда жазылсын;
көрсетілген қаулыға 7-қосымша осы қаулыға 3-қосымшаға сәйкес жаңа редакцияда жазылсын.
