Қазақстан Республикасы
Энергетика министрі
2024 жылғы 23 желтоқсандағы
№ 479 бұйрығына 15-қосымша
«Магистральдық газ құбырының желілік бөлігі пайдалану және жөндеу»
кәсіптік стандарты
1-тарау. Жалпы ережелер
1. Кәсіптік стандарттың қолдану аясы: «Магистральдық газ құбырының желілік бөлігін пайдалану және жөндеу» кәсіби стандарты «Кәсіби біліктілік туралы» Қазақстан Республикасы Заңының 5-бабының 5-тармағына сәйкес осы салада жұмыс істейтін мамандарға қойылатын талаптарды анықтау мақсатында әзірленген.Осы стандартқа сәйкес келетін мамандар магистральдық газ құбырларының желілік учаскелеріне техникалық қызмет көрсетумен, жөндеумен және пайдаланумен айналысады, оған мониторинг, диагностика, профилактикалық және авариялық жөндеу жұмыстары кіреді. Осы КС-пен байланысты экономикалық қызметке инженерлік қызмет көрсету, техникалық қызмет көрсету, жабдықтар мен материалдарды сатып алу, газ құбырларының қауіпсіздігі мен сенімділігін қамтамасыз ету кіреді.
2. Осы кәсіптік стандартта мынадай терминдер, анықтамалар мен қысқартулар қолданылады:
1) жөндеу - магистральдық құбырдың және (немесе) оның объектілерінің желілік бөлігінің толық немесе ішінара пайдалану ресурсының жарамдылығын немесе жұмысқа қабілеттілігін қалпына келтіру жөніндегі іс-шаралар (операциялар) кешені;
2) магистральдық газ құбырының желілік бөлігі (МГЖБ) - газды тікелей тасымалдауды жүзеге асыратын жер асты, су асты, жер үсті, жер үсті құбырлары;
3) техникалық жай-күйді бақылау - жабдықтар мен құрылыстардың параметрлері мәндерінің техникалық құжаттама талаптарына сәйкестігін тексеру және осы негізде осы уақытта берілген техникалық жай-күй түрлерінің бірін анықтау (техникалық жай-күй түрлері: жарамды, жарамсыз, жұмысқа қабілетті, жұмысқа қабілетсіз).
3. Осы кәсіптік стандартта мынадай қысқартулар қолданылады:
1) МГЖБ - магистралдық газ құбырының желілік бөлігі;
2) ЭХҚ - электрохимиялық қорғаныс;
3) ЖҚҚ - жеке қорғаныс құралдары;
4) АКЖБ - авариялық клапандарды жабу машиналары;
5) ГКС - газ компрессорлық станциясы;
6) МГҚ - магистральдық газ құбыры;
