Қазақстан Республикасы Қаржы министрлігінің жанындағы Кедендік және салықтық әкімшілендіру мәселелері бойынша консультативтік кеңестің кейбір мәселелері туралы
Қазақстан Республикасы Қаржы министрінің 2022 жылғы 19 тамыздағы № 866 бұйрығы
«Қазақстан Республикасындағы кедендік реттеу туралы» Қазақстан Республикасы Кодексінің 26-бабының 4-тармағына сәйкес және кедендік және салықтық заңдарды жетілдіру мақсатында БҰЙЫРАМЫН:
1. Қоса беріліп отырған:
1) Қазақстан Республикасы Қаржы министрлігінің жанындағы Кедендік және салықтық әкімшілендіру мэселелері бойынша консультативтік кеңес туралы (бұдан әрі - Консультативтік кеңес) ереже осы бұйрыққа 1-қосымшаға сәйкес;
2) Консультативтік кеңестің құрамы осы бұйрыққа 2-қосымшаға сәйкес бекітілсін.
2. Консультативтік кеңестің жумыс органы болып Қазақстан Республикасы Қаржы министрлігінің Мемлекеттік кірістер комитеті (бұдан әрі - Комитет) айқындалсын.
3. Комитет (Д.Жанәлінов);
1) осы бұйрықты Комитеттің құрылымдық бөлімшелерінің және аумақтық органдарының назарына жеткізсін;
2) осы бұйрықтың Комитеттің интернет-ресурсында жариялануын қамтамасыз етсін.
4. Осы бұйрықтың орындалуын бақылауды өзіме қалдырамын.
5. Осы бұйрық қол қойылған күнінен бастап күшіне енеді.
| Қазақстан Республикасының Қаржы вице-министрі | Е.Біржанов |
Қазақстан Республикасы
Қаржы вице-министрінің
2022 жылғы 19 тамыздағы
№ 866 бұйрығына
1-қосымша
Қазақстан Республикасы Қаржы министрлігінің жанындағы Кедендік және салықтық
әкімшілендіру мәселелері бойынша консультативтік кеңес туралы
ереже
1-тарау. Жалпы ережелер
1. Қазақстан Республикасы Қаржы министрлігінің жанындағы Кедендік және салықтық әкімшілендіру мәселелері бойынша консультативтік кеңес (бұдан әрі - Консультативтік кеңес) Қазақстан Республикасы Қаржы министрлігінің (бұдан әрі - Министрлік) жанындагы консультативтік-кеңесші орган болып табылады.
