«Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы» Қазақстан Республикасы Президентінің 2025 жылғы 18 наурыздағы № 818 Жарлығын іске асыру жөніндегі шаралар туралы
Қазақстан Республикасы Үкіметінің 2025 жылғы 4 тамыздағы № 588 Қаулысы
Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер бекітілсін.
2. Мыналар:
1) «Қазақстан Республикасы Энергетика министрлігінің «Қазақстан Республикасының Ұлттық ядролық орталығы» шаруашылық жүргiзу құқығындағы республикалық мемлекеттiк кәсіпорны «Қазақстан Республикасы Атом энергиясы жөніндегі агенттігінiң «Қазақстан Республикасының Ұлттық ядролық орталығы» шаруашылық жүргiзу құқығындағы республикалық мемлекеттiк кәсіпорны;
2) «Қазақстан Республикасы Энергетика министрлігінің «Ядролық физика институты» шаруашылық жүргiзу құқығындағы республикалық мемлекеттiк кәсіпорны «Қазақстан Республикасы Атом энергиясы жөніндегі агенттігінiң «Ядролық физика институты» шаруашылық жүргiзу құқығындағы республикалық мемлекеттiк кәсіпорны болып қайта аталсын.
3. Қазақстан Республикасының Атом энергиясы жөніндегі агенттігі (келісім бойынша):
1) «Қазақстан Республикасы Атом энергиясы жөніндегі агенттігінiң «Қазақстан Республикасының Ұлттық ядролық орталығы» және «Қазақстан Республикасы Атом энергиясы жөніндегі агенттігінiң «Ядролық физика институты» шаруашылық жүргiзу құқығындағы республикалық мемлекеттiк кәсiпорындарына қатысты мемлекеттік басқарудың тиісті саласына (аясына) басшылық ету жөніндегі уәкілетті орган;
2) уранды барлау бөлігінде жер қойнауын пайдалану саласындағы құзыретті орган;
3) уран өндіру бөлігінде жер қойнауын пайдалану саласындағы құзыретті орган болып айқындалсын.
