Астана қаласында үй жануарларын ұстау және серуендету қағидаларын бекіту туралы
Астана қаласы мәслихатының 2022 жылғы 30 қыркүйектегі № 237/32-VII шешімі
Астана қаласы мәслихатының 2025 жылғы 14 ақпандағы № 271/34-VIII шешімімен күші жойылды
Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабының 2-2-тармағына сәйкес Астана қаласының мәслихаты ШЕШТІ:
1. Ұсынылып отырған Астана қаласында үй жануарларын ұстау және серуендету қағидалары бекітілсін.
2. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Астана қаласы мәслихатның хатшысы | Е. Каналимов |
Астана қаласы мәслихатының
2022 жылғы 30 қыркүйектегі
№ 237/32-VII шешіміне
қосымша
Астана қаласында үй жануарларын ұстау және серуендету
қағидалары
1-тарау. Жалпы ережелер
1. Осы үй жануарларын ұстау және серуендету қағидалары (бұдан әрі - Қағидалар) «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 6-бап, 2-2-тармағына, «Жануарларға жауапкершілікпен қарау туралы» Қазақстан Республикасының Заңының 9-бабының 1 тармақ 1) тармақшасына сәйкес (бұдан әрі - Заң) әзірленді және үй жануарларын ұстаудың және серуендетудің тәртібін белгілейді.
2. Қағидаларда мынадай негізгі ұғымдар мен терминдер пайдаланылады:
1) жануардың иесі - жануар меншік құқығымен немесе өзгедей заттық құқықпен тиесілі болатын жеке немесе заңды тұлға;
2) жауапты адам - жануар иесінің Заңда белгіленген құқықтары мен міндеттерін жануар иесінің жазбаша тапсырмасы бойынша өзіне алатын адам;
3) ұстау орны - жануардың иесі және (немесе) жауапты адам пайдаланатын, жануар ұсталатын ғимараттар, құрылыстар, құрылысжайлар, үй-жайлар немесе жер учаскелері;
