Сақтандыру (қайта сақтандыру) ұйымын құруға рұқсат беру, сондай-ақ сақтандыру (қайта сақтандыру) қызметін және сақтандыру брокерінің қызметін жүзеге асыру құқығына лицензия беру қағидаларын бекiту туралы
Қазақстан Республикасы Қаржы нарығын және Қаржы ұйымдарын реттеу мен қадағалау агенттігі Басқармасының 2007 жылғы 30 сәірдегі № 122 Қаулысы
(2018.27.09. берілген өзгерістер мен толықтыруларымен)
Осы редакция 2020 жылғы 30 наурызда енгізілген өзгерістеріне дейін қолданылды
ҚР Ұлттық Банкі Басқармасының 2017.28.01. № 17 Қаулысымен тақырыбы жаңа редакцияда (бұр.ред.қара)
Сақтандыру қызметін реттейтін нормативтік құқықтық актілерді жетілдіру мақсатында Қазақстан Республикасы Қаржы нарығын және қаржы ұйымдарын реттеу мен қадағалау агенттігінің (бұдан әрі - Агенттік) Басқармасы ҚАУЛЫ ЕТЕДІ:
ҚР Ұлттық Банкі Басқармасының 2017.28.01. № 17 Қаулысымен 1-тармақ жаңа редакцияда (бұр.ред.қара)
1. Қоса беріліп отырған Сақтандыру (қайта сақтандыру) ұйымын құруға рұқсат беру, сондай-ақ сақтандыру (қайта сақтандыру) қызметін және сақтандыру брокерінің қызметін жүзеге асыру құқығына лицензия беру қағидалары бекітілсін.
2. Мынадай қаулылардың күші жойылды деп танылсын:
1) Агенттік Басқармасының «Сақтандыру (қайта сақтандыру) қызметін және сақтандыру брокерінің қызметін жүзеге асыру құқығына лицензия беру ережесін бекіту туралы» 2006 жылғы 9 қаңтардағы № 11 қаулы (Нормативтік құқықтық актілерді мемлекеттік тіркеу тізілімінде № 4076 тіркелген, «Юридическая газета» газетінде 2006 жылғы 17 ақпанда № 28-29 (1008-1009) жарияланған);
2) Агенттік Басқармасының «Сақтандыру (қайта сақтандыру) ұйымын құруға рұқсат беру ережесін бекіту туралы» 2006 жылғы 9 қаңтардағы № 12 қаулы (Нормативтік құқықтық актілерді мемлекеттік тіркеу тізілімінде № 4077 тіркелген).
3. Осы қаулы Қазақстан Республикасының Әділет министрлігінде мемлекеттік тіркеуден өткен күннен бастап он төрт күн өткеннен кейін қолданысқа енгізіледі.
