Мемлекеттік органдардың ақпараттық жүйелеріндегі мәліметтерге Мемлекеттік корпорацияның қолжетімділігін қамтамасыз ету және пайдалану қағидаларын бекіту туралы
Қазақстан Республикасы Денсаулық сақтау министрінің, Қазақстан Республикасы Цифрлық даму, қорғаныс және аэроғарыш өнеркәсібі министрінің, Қазақстан Республикасы Білім және ғылым министрінің 2019 жылғы 4 мамырдағы № 182, Қазақстан Республикасы Еңбек және халықты әлеуметтік қорғау министрінің, Қазақстан Республикасы Премьер-Министрінің бірінші орынбасары - Қаржы министрінің, Қазақстан Республикасы Әділет министрінің, Қазақстан Республикасы Ішкі істер министрінің, Қазақстан Республикасы Жоғарғы Сотының жанындағы Соттардың қызметін қамтамасыз ету департаменті (Қазақстан Республикасы Жоғары Сотының аппараты) басшысының бірлескен бұйрығы
(2019.07.08. берілген өзгерістер мен толықтырулармен)
Осы редакция 2019 жылғы 31 желтоқсанда енгізілген өзгерістеріне дейін қолданылды
«Міндетті әлеуметтік медициналық сақтандыру туралы» 2015 жылғы 16 қарашадағы Қазақстан Республикасы Заңының 17-бабының 3-тармағына сәйкес БҰЙЫРАМЫЗ:
1. Қоса беріліп отырған Мемлекеттік органдардың ақпараттық жүйелеріндегі мәліметтерге Мемлекеттік корпорацияның қолжетімділігін қамтамасыз ету және пайдалану қағидалары бекітілсін.
2. Осы бірлескен бұйрықтың орындалуын бақылау Қазақстан Республикасы Жоғарғы сотының аппараты басшысының орынбасарына, Қазақстан Республикасы Әділет және Ішкі істер министрлерінің жетекшілік ететін орынбасарларына, сондай-ақ Қазақстан Республикасының жетекшілік ететін денсаулық сақтау, қаржы, цифрлық даму, қорғаныс және аэроғарыш өнеркәсібі, білім және ғылым, еңбек және халықты әлеуметтік қорғау вице-министрлеріне жүктелсін.
3. Осы бірлескен бұйрық мемлекеттік органдардың басшыларының соңғысы қол қойған күнінен бастап күшіне енеді.
