2022-2023 жылдарға арналған жайылымдарды басқару және оларды пайдалану жөніндегі жоспарды бекіту туралы
Қызылорда облысы Арал аудандық мәслихатының 2022 жылғы 26 желтоқсандағы № 358 шешімі
Қызылорда облысы Арал аудандық мәслихатының 2025 жылғы 11 ақпандағы № 345 шешімімен күші жойылды
«Жайылымдар туралы» Қазақстан Республикасының 2017 жылғы 20 ақпандағы Заңының 8-бабының 1) тармақшасына және «Құқықтық актілер туралы» Қазақстан Республикасының 2016 жылғы 6 сәуірдегі Заңының 27-бабына сәйкес Арал аудандық мәслихаты ШЕШТІ:
1. Осы шешімнің 1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23 - қосымшаларына сәйкес Сексеуіл, Жақсықылыш кенттері, Аралқұм, Аманөткел, Ақирек, Атанши, Бекбауыл,Беларан,Бөген, Жаңақұрылыс, Жетес би, Жіңішкеқұм, Қамыстыбас, Қарақұм,Қаратерең, Қосаман, Қосжар, Құланды, Мергенсай, Аққұм,Райым,Сазды, Сапақ ауылдық округтерінің 2022-2023 жылдарға арналған жайылымдарды басқару және оларды пайдалану жөніндегі жоспарлары бекітілсін.
2. «2020-2021 жылдарға арналған жайылымдарды басқару және оларды пайдалану жөніндегі жоспарды бекіту туралы» Арал аудандық мәслихатының 2020 жылғы 24 маусымдағы № 369 шешімінің (Қызылорда облысының Әділет департаментінде 2020 жылғы 30маусымдағы №7555 болып тіркелді) күші жойылды деп танылсын.
3. Осы шешім алғашқы ресми жарияланған күнінен бастап қолданысқа енгізіледі.
| Арал аудандық мәслихатының хатшысы | Б.Турахметов |
Арал аудандық мәслихатының
2022 жылғы 26 желтоқсандағы
№358 шешіміне 1 қосымша
Сексеуіл кентінің 2022 - 2023 жылдарға арналған жайылымдарды басқару және оларды пайдалану жөніндегі
жоспары
1) Құқық белгілейтін құжаттар негізінде жер санаттары, жер учаскелерінің меншік иелері және жер пайдаланушылар бөлінісінде әкімшілік-аумақтық бірлік аумағында жайылымдардың орналасу схемасы (картасы);
2) жайылым айналымдарының қолайлы схемасы;
3) жайылымдардың, оның ішінде маусымдық жайылымдардың сыртқы және ішкі шекаралары мен алаңдары, жайылымдық инфрақұрылым объектілері белгіленген картасы;
