«Рұқсаттар және хабарламалар туралы» 2014 жылғы 16 мамырдағы Қазақстан Республикасының Заңын іске асыру жөніндегі шаралар туралы
Қазақстан Республикасы Премьер-Министрінің 2014 жылғы 25 маусымдағы № 95-ө Өкімі
Осы редакция 2015 жылғы 2 қыркүйекте енгізілген өзгерістеріне дейін қолданылды
1. Қоса беріліп отырған «Рұқсаттар және хабарламалар туралы» 2014 жылғы 16 мамырдағы Қазақстан Республикасының Заңын іске асыру мақсатында қабылдануы қажет нормативтік құқықтық актілердің тізбесі (бұдан әрі - тізбе) бекітілсін.
2. Мемлекеттік органдар:
1) тізбеге сәйкес нормативтік құқықтық актілердің жобаларын әзірлесін және белгіленген тәртіппен Қазақстан Республикасының Үкіметіне бекітуге енгізсін;
2) тиісті ведомстволық нормативтік құқықтық актілерді қабылдасын және қабылданған шаралар туралы Қазақстан Республикасының Үкіметін хабардар етсін.
| Премьер-Министр | К. Мәсімов |
Қазақстан Республикасы
Премьер-Министрінің
2014 жылғы 25 маусымдағы
№ 95-ө өкімімен
бекітілген
«Рұқсаттар және хабарламалар туралы» 2014 жылғы 16 мамырдағы
Қазақстан Республикасының Заңын іске асыру мақсатында қабылдануы
қажет нормативтік құқықтық актілердің
тізбесі
| Р/с № | Нормативтік құқықтық актінің атауы | Актінің нысаны | Орындалуына жауапты мемлекеттік орган | Орындау мерзімі |
| 1 | 2 | 3 | 4 | 5 |
| 1. | Лицензияны және (немесе) лицензияға қосымшаны, лицензияның және (немесе) лицензияға қосымшаның нысанын алуға және қайта ресімдеуге арналған өтініштер нысандарын бекіту туралы | Қазақстан Республикасы Үкіметінің қаулысы | ӨДМ, мүдделі мемлекеттік органдар | 2014 жылғы шілде |
| 2. | Хабарлама тәртібінің кейбір мәселелері туралы | Қазақстан Республикасы Үкіметінің қаулысы | ӨДМ, мүдделі мемлекеттік органдар | 2014 жылғы шілде |
| 3. | Рұқсат беру немесе хабарлама жасау тәртіптерінің реттеушілік әсеріне талдау жүргізу және оны пайдалану ережелерін бекіту туралы | Қазақстан Республикасы Үкіметінің қаулысы | ӨДМ, мүдделі мемлекеттік органдар | 2014 жылғы шілде |
