Біліктілік емтиханын өткізу қағидаларын бекіту туралы
Қазақстан Республикасы Премьер-Министрінің Орынбасары - Қазақстан Республикасының Қаржы министрінің 2014 жылғы 28 сәуірдегі № 191 бұйрығы
(2023.15.07. берілген өзгерістер мен толықтырулармен)
Осы редакция 2025 жылғы 9 маусымда енгізілген өзгерістеріне дейін қолданылды
ҚР Қаржы министрінің 2016.22.11. № 609 бұйрығымен (бұр.ред.қара); 2020.30.05. № 549 бұйрығымен (бұр.ред.қара); 2021.26.11. № 1222 бұйрығымен (бұр.ред.қара) кіріспе жаңа редакцияда
«Оңалту және банкроттық туралы» Қазақстан Республикасы Заңының 15-бабы 23-2) тармақшасына және «Мемлекеттік көрсетілетін қызметтер туралы» Қазақстан Республикасы Заңының 10-бабы 1) тармақшасына сәйкес БҰЙЫРАМЫН:
1. Қоса беріліп отырған Біліктілік емтиханын өткізу қағидалары бекітілсін.
2. Қазақстан Республикасы Қаржы министрлігінің Салық комитеті (Ә.С. Жұмаділдаев) заңнамада белгіленген тәртіпте:
1) осы бұйрықты Қазақстан Республикасының Әділет министрлігінде мемлекеттік тіркеуді және бұқаралық ақпарат құралдарында ресми жариялауды;
2) осы бұйрықты Қазақстан Республикасы Қаржы министрлігінің ресми интернет-ресурсында жариялауды қамтамасыз етсін.
3. Осы бұйрық алғаш ресми жарияланған күнінен кейін күнтізбелік жиырма бір күн өткен соң қолданысқа енгізіледі.
| Қазақстан Республикасы Премьер-Министрінің Орынбасары - Қазақстан Республикасының Қаржы министрі | Б. Сұлтанов |
ҚР Қаржы министрінің 2020.30.05. № 549 бұйрығымен қағида жаңа редакцияда (бұр.ред.қара)
Қазақстан Республикасы
Премьер-Министрі Орынбасарының -
Қазақстан Республикасы
Қаржы министрінің
2014 жылғы 28 сәуірдегі
№ 191 бұйрығымен
бекітілген
Біліктілік емтиханын өткізу
қағидалары
1-тарау. Жалпы ережелер
ҚР Қаржы министрінің 2021.26.11. № 1222 бұйрығымен 1-тармақ жаңа редакцияда (бұр.ред.қара)
