Адамдарды заңсыз әкетуге, әкелуге және адам саудасына қарсы күрес мәселелері жөнінде ведомствоаралық комиссия құру туралы
Қазақстан Республикасы Еңбек және халықты әлеуметтік қорғау министрінің 2022 жылғы 1 шілдедегі № 235 және Қазақстан Республикасы Ішкі істер министрінің 2022 жылғы 1 шілдедегі № 550 бірлескен бұйрығы
ҚР Ішкі істер министрінің 2024 жылғы 2 тамыздағы № 606 және ҚР Еңбек және халықты әлеуметтік қорғау министрінің 2024 жылғы 2 тамыздағы № 294 бірлескен бұйрығымен күші жойылды
Қазақстан Республикасында адам құқықтарын бұзуға әкеп соғатын адамдарды заңсыз әкетудің, әкелудің және адам саудасының алдын алу және жолын кесу жөнінде ұсыныстар әзірлеу мақсатында БҰЙЫРАМЫЗ:
1. Адамдарды заңсыз әкетуге, әкелуге және адам саудасына қарсы күрес мәселелері жөніндегі ведомствоаралық комиссия (бұдан әрі - Комиссия) құрылсын.
2. Қоса беріліп отырған:
1) Комиссияның құрамы;
2) Комиссия туралы ереже бекітілсін.
3. Осы бұйрық қол қойылған күнінен бастап күшіне енеді.
| Қазақстан Республикасының Еңбек және халықты әлеуметтік қорғау министрі Т.Дүйсенова | Қазақстан Республикасының Ішкі істер министрі М.Ахметжанов |
Қазақстан Республикасы
Еңбек және халықты әлеуметтік
қорғау министрінің
2022 жылғы 1 шілдедегі № 235
және Қазақстан Республикасы
Iшкі iстер министрінің
2022 жылғы 1 шілдедегі № 550
бірлескен бұйрығымен бекітілген
Адамдарды заңсыз әкетуге, әкелуге және адам саудасына қарсы күрес мәселелері жөніндегі ведомствоаралық комиссия туралы
ереже
1-тарау. Жалпы ережелер
1. Адамдарды заңсыз әкетуге, әкелуге және адам саудасына қарсы күрес мәселелері жөніндегі ведомствоаралық комиссия (бқдан әрі - Комиссия) Қазақстан Республикасы Ішкі iстер министрлігінің және Қазақстан Республикасы Еңбек және хальқты әлеуметтік қорғау министрлігінің жанындағы консультациялық-кеңесші орган болып табылады.
