«Азаматтық-құқықтық саладағы соттық статистикалық есептердің нысандарын және оларды қалыптастыру жөніндегі Нұсқаулықты бекіту туралы» Қазақстан Республикасы Бас Прокурорының 2017 жылғы 2 қарашадағы № 124 бұйрығына өзгерістер енгізу туралы
Қазақстан Республикасы Бас Прокурорының 2019 жылғы 19 қарашадағы № 148 бұйрығы
БҰЙЫРАМЫН:
1. «Азаматтық-құқықтық саладағы соттық статистикалық есептердің нысандарын және оларды қалыптастыру жөніндегі Нұсқаулықты бекіту туралы» Қазақстан Республикасы Бас Прокурорының 2017 жылғы 2 қарашадағы № 124 бұйрығына (Нормативтік құқықтық актілерді мемлекеттік тіркеу тізілімінде № 16009 болып тіркелген, Қазақстан Республикасының Нормативтік құқықтық актілерінің эталондық бақылау банкінде 2017 жылғы 8 желтоқсанда жарияланған) мынадай өзгерістер енгізілсін:
көрсетілген бұйрықпен бекітілген «Бірінші сатыдағы соттардың азаматтық істерді қарауы бойынша есеп» № 2 нысаны осы бұйрықтың 1-қосымшасына сәйкес жаңа редакцияда жазылсын;
көрсетілген бұйрықпен бекітілген «Апелляциялық сатыда азаматтық істерді қарау бойынша есеп» № 7 нысаны осы бұйрықтың 2-қосымшасына сәйкес жаңа редакцияда жазылсын;
көрсетілген бұйрықпен бекітілген «Кассациялық сатыда азаматтық істерді қарау бойынша есеп» № 7-К нысаны осы бұйрықтың 3-қосымшасына сәйкес жаңа редакцияда жазылсын;
көрсетілген бұйрықпен бекітілген «Кассациялық сатыда сот актілерін қайта қарау бойынша есеп» № 8-К нысаны осы бұйрықтың 4-қосымшасына сәйкес жаңа редакцияда жазылсын;
көрсетілген бұйрықпен бекітілген Қазақстан Республикасы сот органдарының ақпараттық жүйесіне электрондық ақпараттық есепке алу құжаттарын енгізу және азаматтық-құқықтық саладағы есептерді қалыптастыру туралы нұсқаулықта:
63, 64 және 65-тармақтар мынадай редакцияда жазылсын:
«63. № 2 нысанды есептің Б кестесінде мемлекеттік баж туралы мәліметтер көрсетіледі.
Мемлекеттік баж сомасы есептік кезеңде тек заңды күшіне енген сот шешімі бойынша ұлттық валютада (мың теңгемен) есепке алынады.
