Жануарлар дүниесін қорғау жөніндегі мемлекеттік инспектор актілерінің нысандарын, оларды жасау мен берудің қағидаларын бекіту туралы
Қазақстан Республикасы Ауыл шаруашылығы министрінің 2015 жылғы 30 наурыздағы № 18-04/279 бұйрығы
(2022.23.06. берілген өзгерістер мен толықтыруларымен)
«Жануарлар дүниесін қорғау, өсімін молайту және пайдалану туралы» 2004 жылғы 9 шілдедегі Қазақстан Республикасы Заңының 9-бабы 1-тармағының 4) тармақшасына сәйкес БҰЙЫРАМЫН:
ҚР Премьер-Министрінің орынбасары - ҚР Ауыл шаруашылығы министрінің 2018.27.09. № 399 бұйрығымен 1-тармақ өзгертілді (бұр.ред.қара)
1. Қоса беріліп отырған:
1) Жануарлар дүниесін қорғау жөніндегі мемлекеттік инспектордың актілерінің нысандары:
осы бұйрыққа 1-қосымшаға сәйкес нысан бойынша әкімшілік құқық бұзушылық туралы хаттама;
осы бұйрыққа 2-қосымшаға сәйкес нысан бойынша тексеру актісі;
осы бұйрыққа 3-қосымшаға сәйкес нысан бойынша Қазақстан Республикасының жануарлар дүниесін қорғау, өсімін молайту және пайдалану саласындағы заңнама талаптарының бұзушылықтарын жою туралы ұйғарым;
осы бұйрыққа 5-қосымшаға сәйкес нысан бойынша Қазақстан Республикасының жануарлар дүниесін қорғау, өсімін молайту және пайдалану саласындағы заңнаманы бұзғаны үшін кінәлі тұлғаны әкімшілік жауапкершілікке тарту туралы қаулы;
осы бұйрыққа 6-қосымшаға сәйкес нысан бойынша Қазақстан Республикасының жануарлар дүниесін қорғау, өсімін молайту және пайдалану саласындағы заңнамасын бұза отырып, пайдаланылған атыс қаруын, тыйым салынған олжалау құралдарын және заңсыз олжаланған жануарлар дүниесі объектілері мен олардың өнімдерін сот шешімі шығарылғанға дейін уақытша сақтау үшін алып қою туралы қаулы;
2) осы бұйрыққа 7-қосымшаға сәйкес Жануарлар дүниесін қорғау жөніндегі мемлекеттік инспектордың актілерін жасау және берудің қағидалары бекітілсін.
2. Қазақстан Республикасы Ауыл шаруашылығы министрлігінің Орман шаруашылығы және жануарлар дүниесі комитеті заңнамада белгіленген тәртіппен:
