Инвестициялық портфельді басқаруды жүзеге асыратын ұйымдар үшін пруденциялық нормативтердің, сондай-ақ олардың мәнiнiң сақталуын сипаттайтын көрсеткiштердiң түрлерін белгілеу, Инвестициялық портфельді басқаруды жүзеге асыратын ұйымдар сақтауға тиiстi пруденциялық нормативтердің мәндерін есеп айырысу қағидаларын бекіту туралы
Қазақстан Республикасы Ұлттық Банкі Басқармасының 2018 жылғы 27 сәуірдегі № 79 Қаулысы
(2019.28.11. берілген өзгерістер мен толықтырулармен)
Осы редакция 2020 жылғы 22 наурызда енгізілген өзгерістеріне дейін қолданылды
«Бағалы қағаздар рыногы туралы» 2003 жылғы 2 шілдедегі, «Қаржы нарығы мен қаржы ұйымдарын мемлекеттiк реттеу, бақылау және қадағалау туралы» 2003 жылғы 4 шілдедегі, «Мемлекеттік статистика туралы» 2010 жылғы 19 наурыздағы Қазақстан Республикасының заңдарына сәйкес Қазақстан Республикасы Ұлттық Банкінің Басқармасы ҚАУЛЫЕТЕДІ:
1. Инвестициялық портфельді басқаруды жүзеге асыратын ұйымдар үшін:
1) мынадай пруденциялық нормативтер:
мәні күн сайын - кемінде 1 болатын меншікті капиталдың жеткіліктілігі коэффициенті;
мәні күн сайын:
2018 жылғы 1 шілдеден бастап - кемінде 1,2;
2019 жылғы 1 қаңтардан бастап - кемінде 1,3;
2020 жылғы 1 қаңтардан бастап - кемінде 1,4;
2021 жылғы 1 қаңтардан бастап - кемінде 1,5 болатын өтімділік коэффициенті;
2) пруденциялық нормативтердің мәндерін сақтауды сипаттайтын мынадай көрсеткiштер:
өтімді активтер;
баланс бойынша міндеттемелер;
меншікті капиталдың ең аз мөлшері белгіленсін.
2. Қоса беріліп отырған Инвестициялық портфельді басқаруды жүзеге асыратын ұйымдар сақтауға тиiстi пруденциялық нормативтердің мәндерін есеп айырысу қағидалары бекітілсін.
3. Осы қаулыға қосымшаға сәйкес тізбе бойынша Қазақстан Республикасының нормативтік құқықтық актілерінің, сондай-ақ Қазақстан Республикасының кейбір нормативтік құқықтық актілерінің құрылымдық элементтерінің күші жойылды деп танылсын.
4. Банктік емес қаржы ұйымдарын реттеу департаменті (Шайқақова Г.Ж.) Қазақстан Республикасының заңнамасында белгіленген тәртіппен:
