Ашық деректердің интернет-порталында орналастырылатын ашық деректердің тізбесін бекіту туралы
Қазақстан Республикасы Денсаулық сақтау министрінің 2018 жылғы 11 сәуірдегі № 166 бұйрығы
ҚР Денсаулық сақтау министрінің 2022 жылғы 1 ақпандағы № ҚР ДСМ-9 бұйрығымен күші жойылды
«Ақпараттандыру туралы» 2015 жылғы 24 қарашадағы Қазақстан Республикасы Заңының 9-бабының 15) тармақшасына сәйкес БҰЙЫРАМЫН:
1. Қоса беріліп отырған ашық деректердің интернет-порталында орналастырылатын, ашық деректердің тізбесі бекітілсін.
2. Мыналардың:
1) «Ашық деректердің интернет-порталына орналастырылатын ашық деректердің тізбесін бекіту туралы» (Нормативтік құқықтық актілерді мемлекеттік тіркеу тізілімінде № 13362 болып тіркелген, «Әділет» ақпараттық-құқықтық жүйесінде 2016 жылғы 15 наурызда жарияланған) Қазақстан Республикасы Денсаулық сақтау және әлеуметтік даму министрінің 2016 жылғы 29 қаңтардағы № 65 бұйрығының;
2) «Қазақстан Республикасы Еңбек және халықты әлеуметтік қорғау министрі мен Қазақстан Республикасы Денсаулық сақтау және әлеуметтік даму министрінің кейбір бұйрықтарына өзгерістер мен толықтырулар енгізу туралы» Қазақстан Республикасы Еңбек және халықты әлеуметтік қорғау министрінің 2017 жылғы 31 наурыздағы № 55 бұйрығымен бекітілген өзгерістер мен толықтырулар енгізілетін Қазақстан Республикасы Еңбек және халықты әлеуметтік қорғау министрі мен Қазақстан Республикасы Денсаулық сақтау және әлеуметтік даму министрінің кейбір бұйрықтары тізбесінің 6-тармағының (Нормативтік құқықтық актілерді мемлекеттік тіркеу тізілімінде № 15106 болып тіркелген, Нормативтік құқықтық актілерінің эталондық бақылау банкінде 2017 жылғы 25 мамырында жарияланған) күші жойылды деп танылсын.
3. Қазақстан Республикасы Денсаулық сақтау министрлігінің Денсаулық сақтауды цифрландыру департаменті заңнамада белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
