«Қазақстан Республикасы Ғылым және жоғары білім базалық қаржыландыру субъектілері туралы» Қазақстан Республикасы Ғылым және жоғары білім министрінің 2023 жылғы 6 наурыздағы № 94 бұйрығына өзгеріс енгізу туралы
Қазақстан Республикасы Ғылым және жоғары білім министрінің 2023 жылғы 9 қазандағы № 522 бұйрығы
«Құқықтық актілер туралы» Қазақстан Республикасы Заңының 65-бабының 3-тармағына сәйкес БҰЙЫРАМЫН:
1. «Базалық қаржыландыру субъектілері болып табылатын ұйымдардың тізбесін бекіту туралы» Қазақстан Республикасы Ғылым және жоғары білім министрінің 2023 жылғы 6 наурыздағы № 94 бұйрығына мынадай өзгеріс енгізілсін:
көрсетілген бұйрықпен бекітілген Базалық қаржыландыру субъектілері болып табылатын ұйымдардың тізбесі осы бұйрыққа қосымшаға сәйкес жаңа редакцияда жазылсын.
2. Қазақстан Республикасы Ғылым және жоғары білім министрлігінің Ғылым комитеті осы бұйрықты:
1) салалық уәкілетті мемлекеттік органдардың назарына жеткізсін;
2) Қазақстан Республикасы Ғылым және жоғары білім министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Ғылым және жоғары білім вице-министріне жүктелсін.
4. Осы бұйрық қол қойылған күнінен бастап күшіне енеді.
Қазақстан Республикасы
Ғылым және жоғары білім
министрінің
2023 жылғы 9 қазандағы
№ 522 бұйрығына қосымша
Қазақстан Республикасы
Ғылым және жоғары білім министрі
міндетін атқарушының
2023 жылғы 6 наурыздағы
№ 94 бұйрығына қосымша
Базалық қаржыландыру субъектілері болып табылатын ұйымдардың
тізбесі
| № р/н | Атауы |
| Қазақстан Республикасы Ғылым және жоғары білім министрлігі |
| 1. | Қазақстан Республикасы Ғылым және жоғары білім министрлігі Ғылым Комитетінің «М.А. Айтхожин атындағы Молекулярлық биология және биохимия институты» шаруашылық жүргізу құқығындағы республикалық мемлекеттік кәсіпорыны |
