Салық заңнамасында көзделген жағдайларда қолма-қол ақшаны қабылдау үшін мемлекеттік баж және автокөлік құралдарының Қазақстан Республикасының аумағымен жүріп өткені үшін алым сомасын бюджетке төлеу жөніндегі қатаң есептілік бланкілерінің нысанын бекіту туралы
Қазақстан Республикасы Қаржы министрінің 2025 жылғы 30 қыркүйектегі № 549 бұйрығы
Қазақстан Республикасы Салық кодексінің 614-бабының 3-тармағына және 672-бабының 3-тармағына сәйкес БҰЙЫРАМЫН:
1. Мыналардың:
1) осы бұйрыққа 1-қосымшаға сәйкес салық заңнамасында көзделген жағдайларда қолма-қол ақшаны қабылдау үшін мемлекеттік баж сомасын бюджетке төлеу жөніндегі;
2) осы бұйрыққа 2-қосымшаға сәйкес автокөлік құралдарының Қазақстан Республикасының аумағымен жүріп өткені үшін алым сомасын бюджетке төлеу жөніндегі қатаң есептілік бланкілерінің нысаны бекітілсін.
2. «Салық төлеуші-жеке тұлға төлейтін мүлік, көлік құралдары салықтарын және жер салығын жинауға арналған квитанцияның және салық заңнамасында көзделген жағдайларда қолма-қол ақша қабылдау үшін қатаң есептілік бланкінің нысандарын бекіту туралы» Қазақстан Республикасы Қаржы министрінің 2018 жылғы 26 қаңтардағы № 71 бұйрығының нормативтік құқықтық актілерді мемлекеттік тіркеу тізілімінде (№ 16382 болып тіркелген) күші жойылды деп танылсын.
3. Қазақстан Республикасы Қаржы министрлігінің Мемлекеттік кірістер комитеті Қазақстан Республикасының заңнамасында белгіленген тәртіппен:
1) осы бұйрықтың Қазақстан Республикасының Әділет министрлігінде мемлекеттік тіркелуі;
2) осы бұйрық ресми жарияланғаннан кейін оны Қазақстан Республикасы Қаржы министрлігінің интернет ресурсында орналастыруды;
3) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшасында көзделген іс-шаралардың орындалуы туралы мәліметтерді Қазақстан Республикасы Қаржы министрлігінің Заң қызметі департаментіне ұсынуды қамтамасыз етсін.
