Қазақстан Республикасы Өнеркәсіп және құрылыс министрлігінің кәсіптік стандарттарын бекіту туралы
Қазақстан Республикасы Өнеркәсіп және құрылыс министрінің м.а. 2024 жылғы 5 қарашадағы № 385 бұйрығы
«Кәсіптік біліктілік туралы» Қазақстан Республикасы Заңының 5-бабы 5-тармағына және Қазақстан Республикасы Еңбек және халықты әлеуметтік қорғау министрінің 2023 жылғы 7 қыркүйектегі № 377 бұйрығымен бекітілген, (нормативтік құқықтық актілерді мемлекетттік тіркеу реестрінде тіркелген № 33401) Кәсіптік стандарттарды әзірлеу және (немесе) жаңарту қағидаларына сәйкес БҰЙЫРАМЫН:
1. Өнеркәсіп және құрылыс министрлігінің кәсіптік стандарты осы бұйрыққа қосымшаға сәйкес «Көп қабатты тұрғын үйлер мен ғимараттарды күтіп ұстау және жөндеу кезіндегі өнеркәсіптік альпинизм қызметтері» кәсіптік стандарт бекітілсін.
2. Қазақстан Республикасы Өнеркәсіп және құрылыс министрлігінің Қала құрылыс және тұрғын үй-коммуналдық саясат департаменті Қазақстан Республикасының заңнамасында белгіленген тәртіппен:
1) осы бұйрыққа қол қойылған күннен бастап күнтізбелік бес күн ішінде оны қазақ және орыс тілдерінде ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына жіберуді;
2) осы бұйрықты Қазақстан Республикасы Өнеркәсіп және құрылыс министрлігінің ресми интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Өнеркәсіп және құрылыс вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Министрдің міндетін атқарушы | Қ. Қажкенов |
