Көлік саласында техникалық реттеу жөніндегі сараптамалық кеңес құру туралы
Қазақстан Республикасы Көлік министрінің 2024 жылғы 6 наурызындағы № 104 бұйрығы
«Техникалық реттеу туралы» Қазақстан Республикасының Заңы 8-бабының 3) тармақшасына, 11-бабына сәйкес БҰЙЫРАМЫН:
1. Осы бұйрыққа 1-қосымшаға сәйкес құрамда Қазақстан Республикасы Көлік министрлігінің жанындағы көлік саласында техникалық реттеу жөніндегі сараптамалық кеңес құрылсын.
2. Осы бұйрыққа 2-қосымшаға сәйкес Қазақстан Республикасы Көлік министрлігінің жанындағы көлік саласында техникалық реттеу жөніндегі сараптамалық кеңес туралы ереже бекітілсін.
3. Қазақстан Республикасы Көлік министрлігінің Көлік саясаты департаменті осы бұйрықты Қазақстан Республикасы Көлік министрлігінің интернет-ресурсында орналастыруды қамтамасыз етсін.
4. Осы бұйрықтың орындалуын бақылау жетекшілік ететін Қазақстан Республикасының Көлік вице-министрлеріне жүктелсін.
5. Осы бұйрық қол қойылған күнінен бастап күшіне енеді және таратылуға жатады.
| Министрдің міндетін атқарушы | С. Аблалиев |
Қазақстан Республикасы
Көлік министрлігінің
2024 жылғы 6 наурыздағы
№ 104 бұйрығына 1-қосымша
Қазақстан Республикасы Көлік министрлігінің жанындағы көлік саласында техникалық реттеу жөніндегі сараптамалық
кеңесінің құрамы
| Ахметжанов Зейнолла Асқарұлы | Қазақстан Республикасы Көлік министрлігінің Көлік саясаты департаменті директорының орынбасары; |
| Раззарёнов Александр Александрович | «Қазақстан стандарттау және метрология институты» республикалық мемлекеттік кәсіпорнының техникалық реттеу жөніндегі үйлестіру орталығының басшысы (келісім бойынша); |
| Жұмақаева Динара Саятқызы | «Қазақстандық стандарттау институты» республикалық мемлекеттік кәсіпорнының техникалық реттеу жөніндегі үйлестіру орталығының сарапшысы (келісім бойынша); |
| Бондарь Вячеслав Вячеславович | «Қазақстан су жолдары» республикалық мемлекеттік қазыналық кәсіпорнының «Гидротехникалық құрылыстар» филиалы Өскемен шлюзі басқармасының өндіріс жөніндегі орынбасары (келісім бойынша); |
