«Тарифтерді қалыптастыру қағидаларын бекіту туралы» Қазақстан Республикасы Ұлттық экономика министрінің 2019 жылғы 19 қарашадағы № 90 бұйрығына өзгерістер мен толықтырулар енгізу туралы
Қазақстан Республикасы Премьер-Министрінің орынбасары - Ұлттық экономика министрінің 2024 жылғы 30 қыркүйектегі № 80 бұйрығы
(2025.09.01. берілген өзгерістермен)
БҰЙЫРАМЫН:
1. «Тарифтерді қалыптастыру қағидаларын бекіту туралы» Қазақстан Республикасы Ұлттық экономика министрінің 2019 жылғы 19 қарашадағы № 90 бұйрығына (нормативтік құқықтық актілерді мемлекеттік тіркеу тізілімінде № 19617 болып тіркелген) мынадай өзгерістер мен толықтырулар енгізілсін:
көрсетілген бұйрықпен бекітілген Тарифтерді қалыптастыру қағидаларында:
1-тармақтың 9) тармақшасы мынадай редакцияда жазылсын:
«9) сырттағы ауаның нақты температурасын ескере отырып, жылу энергиясын өткізу бойынша реттеліп көрсетілетін қызмет құнын қайта есептеу қағидаларын;»;
3-тармақ:
мынадай мазмұндағы 41) тармақшамен толықтырылсын:
«41) жылу энергиясымен өткізу жөніндегі реттелетін қызмет - жасалған шарттарға сәйкес субъектілер көрсететін өндірілген және (немесе) сатып алынған жылу энергиясын тұтынушыларға сату жөніндегі қызмет;»;
мынадай мазмұндағы 51) тармақшамен толықтырылсын:
«51) индекстеу әдісі - қуаттылығы аз табиғи монополия субъектісінің бекітілген тарифтерді жыл сайын индекстеуі арқылы тарифтерді қалыптастыру;»;
60) тармақша мынадай редакцияда жазылсын:
«60) қуаттылығы аз субъект - реттеліп көрсетілетін қызметтерді ұсынатын субъект:
Он екінші абзац 2025 ж. 1 шілдеден бастап қолданысқа енгізілді
орталықтандырылған немесе жергілікті жылумен жабдықтау жүйелеріне жататын жалпы белгіленген қуаты бір сағат ішінде жиырма Гигакалорий (бұдан әрі - Гкал/сағ) дейін жылыту қазандықтарынан жылу энергиясын өндіру, беру, бөлу және өткізу бойынша;
көлемі жылына бес жүз мың текше метрге дейін сумен жабдықтау және (немесе) су бұру;
көлемі жылына отыз миллион текше метрге дейін суару үшін су беру бойынша;
бәсекелес кірме жол болмаған кезде көлемі жылына елу мың вагон/км, вагон/сағат дейін кірме жолдар;
