Ақтөбе облысының жергілікті атқарушы органдары «Б» корпусы мемлекеттік әкімшілік қызметшілерінің қызметін бағалау әдістемесін бекіту туралы
Ақтөбе облысы әкімдігінің 2017 жылғы 20 ақпандағы № 28 Қаулысы
Ақтөбе облысы әкімдігінің 2018 жылғы 5 наурыздағы № 105 Қаулысымен күші жойылды
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 27-бабына, Қазақстан Республикасының 2015 жылғы 23 қарашадағы «Қазақстан Республикасының мемлекеттік қызметі туралы» Заңының 33-бабына, Қазақстан Республикасы Президентінің 2015 жылғы 29 желтоқсанындағы № 152 «Мемлекеттік қызмет өткерудің кейбір мәселелері туралы» Жарлығына, Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2016 жылғы 29 желтоқсанындағы № 110 «Мемлекеттік әкімшілік қызметшілердің қызметін бағалаудың кейбір мәселелері туралы» нормативтік құқықтық актілерді мемлекеттік тіркеу Тізілімінде № 14637 тіркелген бұйрығына сәйкес Ақтөбе облысы әкімдігі ҚАУЛЫЕТЕДІ:
1. Қоса беріліп отырған Ақтөбе облысының жергілікті атқарушы органдары «Б» корпусы мемлекеттік әкімшілік қызметшілерінің қызметін бағалау әдістемесі бекітілсін.
2. Мыналардың күші жойылды деп танылсын:
1) Ақтөбе облысы әкімдігінің 2016 жылғы 16 ақпандағы № 58 «Ақтөбе облысының жергілікті атқарушы органдары «Б» корпусы мемлекеттік әкімшілік қызметшілерінің қызметін бағалау әдістемесін бекіту туралы» қаулысы (нормативтік құқықтық актілерді мемлекеттік тіркеу Тізілімінде № 4804 тіркелген, 2016 жылғы 31 наурызда «Ақтөбе» және 2016 жылғы 1 сәуірде «Актюбинский вестник» газеттерінде жарияланған);
