ҚАЗАҚСТАН РЕСПУБЛИКАСЫ ПРЕЗИДЕНТІНІҢ
ЖАРЛЫҒЫ
Терроризмге қарсы күрес жөніндегі республикалық, облыстық, республикалық маңызы бар қаланың, астананың, ауданның (облыстық маңызы бар қаланың) және теңіздік жедел штабтары туралы ережені бекіту туралы
(2018.26.09. берілген өзгерістер мен толықтырулармен)
Осы редакция 2019 жылғы 1 маусымда енгізілген өзгерістеріне дейін қолданылды
ҚР Президентінің 2018.26.09. № 759 Жарлығымен тақырыбы жаңа редакцияда (бұр.ред.қара)
«Терроризмге қарсы іс-қимыл туралы» Қазақстан Республикасының 1999 жылғы 13 шілдедегі Заңы 4-бабы 2-тармағының 5) тармақшасына сәйкес ҚАУЛЫ ЕТЕМІН:
ҚР Президентінің 2018.26.09. № 759 Жарлығымен 1-тармақ жаңа редакцияда (бұр.ред.қара)
1. Қоса беріліп отырған Терроризмге қарсы күрес жөніндегі республикалық, облыстық, республикалық маңызы бар қаланың, астананың, ауданның (облыстық маңызы бар қаланың) және теңіздік жедел штабтары туралы ереже бекітілсін.
2. Осы Жарлық қол қойылған күнінен бастап қолданысқа енгізіледі.
| Қазақстан Республикасы Президенті | Н. Назарбаев |
Астана, Ақорда, 2013 жылғы маусымның 24-і.
№ 587
Қазақстан Республикасы
Президентінің
2013 жылғы 24 маусымдағы
№ 587 Жарлығымен
БЕКІТІЛГЕН
ҚР Президентінің 2018.26.09. № 759 Жарлығымен тақырыбы жаңа редакцияда (бұр.ред.қара)
Терроризмге қарсы күрес жөніндегі республикалық, облыстық, республикалық маңызы
бар қаланың, астананың, ауданның (облыстық маңызы бар қаланың) және теңіздік жедел штабтары туралы
ЕРЕЖЕ
1. Жалпы ережелер
1. Терроризмге қарсы күрес жөніндегі жедел штабтар терроризмге қарсы операцияларды өткізуге қатыстырылатын мемлекеттік органдардың күштері мен құралдарын жедел басқаратын тұрақты жұмыс істейтін органдар болып табылады.
2. Республикалық деңгейде терроризмге қарсы күрес жөніндегі республикалық жедел штаб жұмыс істейді.
ҚР Президентінің 2018.26.09. № 759 Жарлығымен 3-тармақ жаңа редакцияда (бұр.ред.қара)
