«Құқықтық мониторинг жүргізу қағидаларын бекіту туралы» Қазақстан Республикасы Әділет министрінің 2023 жылғы 11 шiлдедегi № 471 бұйрығына өзгеріс енгізу туралы
Қазақстан Республикасы Әділет министрінің 2024 жылғы 31 желтоқсандағы № 1070 бұйрығы
БҰЙЫРАМЫН:
1. «Құқықтық мониторинг жүргізу қағидаларын бекіту туралы» Қазақстан Республикасы Әділет министрінің 2023 жылғы 11 шiлдедегi № 471 бұйрығына (нормативтік құқықтық актілерді мемлекеттік Тіркеу тізілімінде № 33069 болып тіркелген) мынадай өзгеріс енгізілсін:
Көрсетілген бұйрықпен бекітілген Құқықтық мониторинг жүргізу қағидалары (бұдан әрі - Қағидалар) осы бұйрыққа қосымшаға сәйкес жаңа редакцияда жазылсын.
«Қазақстан Республикасы Әділет министрлігінің 2023.11.07. № 471 бұйрығының 2, 3, 4, 6, 7-тарауларының қолданылу мерзімі туралы» Қазақстан Республикасы Әділет министрлігінің 2025 ж. 26 наурыздағы № ЖТ-2025-00738821 хатын қараңыз
2. Қазақстан Республикасы Әділет министрлігінің Құқық түсіндіру және үйлестіру департаменті заңнамада белгіленген тәртіппен:
1) осы бұйрықты мемлекеттік тіркеуді;
2) осы бұйрықты Қазақстан Республикасы Әділет министрлігінің ресми интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Әділет вице-министріне жүктелсін.
4. Осы бұйрық көрсетілген бұйрықпен бекітілген, 2025 жылдың 15 ақпанына дейін қолданылатын Құқықтық мониторинг жүргізу қағидаларының 2, 3, 4, 6, 7-тарауларын қоспағанда, 2025 жылдың 1 қаңтардан бастап қолданысқа енгізіледі және ресми жариялануға жатады.
Осы Қағидалардың 12-тармағының үшінші бөлігі 2025 жылдың 15 қаңтарына дейін мынадай редакцияда қолданылады деп белгіленсін:
