«Уәкілетті органдармен әкімшілік құқық бұзушылықтар жөніндегі істерді қарау нәтижелері туралы» № 1-ӘІ есептің нысанын және оны қалыптастыру жөніндегі нұсқаулықты бекіту туралы» Қазақстан Республикасы Бас Прокурорының 2023 жылғы 27 қаңтардағы № 43 бұйрығына өзгерістер мен толықтыру енгізу туралы
Қазақстан Республикасы Бас Прокурорының 2025 жылғы 17 маусымдағы № 76 бұйрығы
БҰЙЫРАМЫН:
1. «Уәкілетті органдармен әкімшілік құқық бұзушылықтар жөніндегі істерді қарау нәтижелері туралы» № 1-ӘІ есептің нысанын және оны қалыптастыру жөніндегі нұсқаулықты бекіту туралы» Қазақстан Республикасы Бас Прокурорының 2023 жылғы 27 қаңтардағы № 43 бұйрығына (Нормативтік құқықтық актілерді мемлекеттік тіркеу тізілімінде № 33059 болып тіркелген) мынадай өзгерістер мен толықтыру енгізілсін:
кіріспе мынадай редакцияда жазылсын:
«Прокуратура туралы» Қазақстан Республикасының Конституциялық заңының 9-бабы 22) тармақшасына, «Мемлекеттік құқықтық статистика және арнайы есепке алу туралы» Қазақстан Республикасы Заңының 6-бабы 12) тармақшасына сәйкес, Қазақстан Республикасының прокуратура органдарының кейбір мәселелері туралы Қазақстан Республикасы Президентінің 2017 жылғы 13 қазандағы № 563 Жарлығымен бекітілген Қазақстан Республикасының Бас прокуратурасы туралы ереженің 19-тармағы 37) тармақшасын басшылыққа алып, БҰЙЫРАМЫН:»;
Көрсетілген бұйрықпен бекітілген «Уәкілетті органдармен әкімшілік құқық бұзушылықтар жөніндегі істерді қарау нәтижелері туралы» № 1-ӘІ есептің нысанында:
«Әкімшілік іс жүргізулердің бірыңғай тізілімінде тіркелген әкімшілік құқық бұзушылықтар және олады қарау нәтижелері туралы мәліметтер» 1-бөлімі осы бұйрықтың 1-қосымшасына сәйкес жаңа редакцияда жазылсын;
