«Денсаулық сақтау саласындағы есепке алу құжаттамасының нысандарын бекіту туралы» Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығына өзгерістер мен толықтырулар енгізу туралы
Қазақстан Республикасы Денсаулық сақтау министрінің 2022 жылғы 1 шілдедегі № ҚР ДСМ-62 бұйрығы
БҰЙЫРАМЫН:
1. «Денсаулық сақтау саласындағы есепке алу құжаттамасының нысандарын бекіту туралы» Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығына (Нормативтік құқықтық актілерді мемлекеттік тіркеу тізілімінде № 21579 болып тіркелген) мынадай өзгерістер мен толықтырулар енгізілсін:
«Денсаулық сақтау саласындағы құжаттамасының нысандарын бекіту туралы» бұйрықтың атауы мынадай редакцияда жазылсын:
«Денсаулық сақтау саласындағы есепке алу құжаттамасының нысандарын, сондай-ақ оларды толтыру жөніндегі нұсқаулықтарды бекіту туралы»;
«Халық денсаулығы және денсаулық сақтау жүйесі туралы» 2020 жылғы 7 шілдедегі Қазақстан Республикасы Кодексінің 7-бабының 31) тармақшасына сәйкес» деген бұйрықтың кіріспесі мынадай редакцияда жазылсын:
«Халық денсаулығы және денсаулық сақтау жүйесі туралы» 2020 жылғы 7 шілдедегі Қазақстан Республикасы Кодексінің 7-бабының 31) және 33) тармақтарына, сондай-ақ «Қазақстан Республикасының Азаптауларға және басқа да қатыгез, адамгершiлiкке жатпайтын және ар-намысты қорлайтын iс-әрекеттер мен жазалау түрлерiне қарсы конвенцияға қосылуы туралы» Қазақстан Республикасының Заңына сәйкес»»;
көрсетілген бұйрыққа 1-қосымшамен бекітілген стационарларда пайдаланылатын медициналық есепке алу құжаттамасының нысандарында:
«№____стационарлық пациенттің медициналық картасы» № 001/е нысаны осы бұйрыққа 1-қосымшаға сәйкес мынадай редакцияда жазылсын;
осы бұйрыққа 2-қосымшаға сәйкес «Стационардан шыққанның (тәулік бойы, күндіз) №____статистикалық карта» № 012/е нысаны мынадай редакцияда жазылсын;
