Алматы қаласының 2021-2023 жылдарға арналған бюджеті туралы
VI сайланған Алматы қаласы мәслихатының LXXII сессиясының 2020 жылғы 14 желтоқсандағы № 517 шешiмi
(2021.19.02. берілген өзгерістермен)
Осы редакция 2021 жылғы 31 мамырда енгізілген өзгерістеріне дейін қолданылды
Қазақстан Республикасының 2008 жылғы 4 желтоқсандағы Бюджет кодексінің 8-бабы 2-тармағына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6, 7-баптарына, Қазақстан Республикасының 2020 жылғы 2 желтоқсандағы № 379-VI «2021-2023 жылдарға арналған республикалық бюджет туралы» Заңына сәйкес, VI сайланған Алматы қаласының мәслихаты ШЕШІМ ҚАБЫЛДАДЫ:
VII сайланған Алматы қаласы мәслихатының кезектен тыс III сессиясының 2021.19.02. № 24 шешiмiмен 1-тармақ жаңа редакцияда (бұр.ред.қара)
1. Алматы қаласының 2021-2023 жылдарға арналған бюджеті осы шешімнің 1, 2 және 3-қосымшаларына сәйкес, оның ішінде 2021 жылға келесі көлемдерде бекітілсін:
1) кірістер - 791 376 658 мың теңге, оның ішінде мыналар бойынша:
салықтық түсімдер - 604 326 641 мың теңге;
салықтық емес түсімдер - 3 351 872 мың теңге;
негізгі капиталды сатудан түсетін түсімдер - 40 667 502 мың теңге;
трансферттер түсімдері - 143 030 643 мың теңге;
2) шығындар - 868 504 040,4 мың теңге;
3) таза бюджеттік несие беру - 15 123 746 мың теңге;
4) қаржы активтерімен жасалатын операциялар бойынша сальдо - 18 893 941 мың теңге, оның ішінде:
қаржы активтерін сатып алу - 19 096 341 мың теңге;
5) бюджеттік дефицит - -111 145 069,4 мың теңге;
6) бюджет дефицитін қаржыландыру - 111 145 069,4 мың теңге.
2. Алматы қаласы бюджетінің кірістері мынадай салықтар мен алымдар есебінен құралады деп белгіленсін:
ірі кәсіпкерлік субъектілерінен және мұнай секторы ұйымдарынан түсетін түсімдерді қоспағанда, заңды тұлғалардан алынатын корпоративтік табыс салығынан;
төлем көзінен салық салынатын табыстардан ұсталатын жеке табыс салығынан;
төлем көзінен салық салынбайтын табыстардан ұсталатын жеке табыс салығынан;
төлем көзінен салық салынбайтын шетелдік азаматтар табыстарынан ұсталатын жеке табыс салығынан;
