Қазақстан Республикасы Президентінің
Жарлығы
Қазақстан Республикасының Заңдылықты, құқықтық тәртіпті және қылмысқа қарсы күресті
қамтамасыз ету жөніндегі үйлестіру кеңесі туралы ережені бекіту туралы
(2014.29.08. берілген өзгерістермен)
Осы редакция 2015 жылғы 29 желтоқсанда енгізілген өзгерістеріне дейін қолданылды
«Прокуратура туралы» 1995 жылғы 21 желтоқсандағы Қазақстан Республикасы Заңының 8-1-бабына сәйкес ҚАУЛЫ ЕТЕМІН:
1. Қазақстан Республикасының Заңдылықты, құқықтық тәртіпті және қылмысқа қарсы күресті қамтамасыз ету жөніндегі үйлестіру кеңесі туралы қоса беріліп отырған ереже бекітілсін.
2. Осы Жарлық қол қойылған күнінен бастап қолданысқа енгізіледі.
| Қазақстан Республикасының Президенті | Н. Назарбаев |
Астана, Ақорда, 2011 жылғы мамырдың 2-і
№ 68
Қазақстан Республикасы Президентінің
2011 жылғы 2 мамырдағы
№ 68 Жарлығымен бекітілген
Қазақстан Республикасының Заңдылықты, құқықтық тәртіпті және қылмысқа қарсы
күресті қамтамасыз ету жөніндегі үйлестіру кеңесі туралы
ереже
1. Жалпы ережелер
1. Қазақстан Республикасынын Заңдылықты, құқықтық тәртіпті және қылмысқа қарсы күресті қамтамасыз ету жөніндегі үйлестіру кеңесі (бұдан әрі -Үйлестіру кеңесі) туралы осы ереже «Прокуратура туралы» 1995 жылғы 21 желтоқсандағы Қазақстан Республикасының Заңының 8-1-бабының негізінде әзірленді.
Үйлестіру кеңесі Қазақстан Республикасында зандылық пен құқықтық тәртіпті қамтамасыз етуде мемлекеттік органдардың қызметін үйлестіру және тиімділігін арттыру мақсатында, оның ішінде жедел-іздестіру қызметін, қылмысқа қарсы күресте анықтауды және тергеуді жүзеге асыратын құқық қорғау органдарының күш-жігері мен өзара іс-қимылын біріктіру үшін құрылатын консультативтік-кеңесші орган болып табылады.
