Алатау резидентінің және (немесе) оның өзара байланысты тараптарының қаржылық тұрақтылық қағидатын бұза отырып Алатау резидентінің салықтық міндеттемелердің азаюына әкелетін өзара байланысты тараптармен операциясын айқындау қағидаларын бекіту туралы
Қазақстан Республикасы Қаржы министрінің м.а. 2026 жылғы 30 қазандағы № 729 бұйрығы
«Алатау қаласының арнаулы құқықтық режимі туралы» Қазақстан Республикасының Конституциялық заңының 44-бабы 3-тармағына сәйкес БҰЙЫРАМЫН:
1. Қоса беріліп отырған Алатау резидентінің және (немесе) оның өзара байланысты тараптарының қаржылық тұрақтылық қағидатын бұза отырып Алатау резидентінің салықтық міндеттемелердің азаюына әкелетін өзара байланысты тараптармен операциясын айқындау қағидалары бекітілсін.
2. Қазақстан Республикасы Қаржы министрлігінің Мемлекеттік кірістер комитеті Қазақстан Республикасының заңнамасында белгіленген тәртіппен:
1) осы бұйрықтың Қазақстан Республикасының Әділет министрлігінде мемлекеттік тіркелуін;
2) осы бұйрықты алғаш ресми жарияланған күнінен бастап оны Қазақстан Республикасы Қаржы министрлігінің интернет-ресурсында орналастыруды;
3) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Қаржы министрлігінің Заң қызметі департаментіне ұсынуды қамтамасыз етсін.
3. Осы бұйрық 2027 жылғы 1 қаңтардан бастап күшіне енеді және ресми жариялануға жатады.
| Қазақстан Республикасы аржы министірінің м.а. | Д. Кеңбеил |
Қазақстан Республикасы
Қаржы министрінің м.а.
2026 жылғы 30 қазандағы
№ 729 бұйрықпен бекітілген
Алатау резидентінің өзара байланысты тараптармен қаржылық орнықтылық қағидатын бұза отырып, Алатау резидентінің және (немесе) оның өзара байланысты тараптарының салықтық міндеттемелерін азайтуға алып келетін операцияларын айқындау
қағидалары
1-тарау. Жалпы ережелер