Шет елдермен ынтымақтастық жөніндегі бірлескен үкіметаралық комиссиялардың (комитеттердің, кеңестердің) және олардың кіші комиссияларының (кіші комитеттерін, жұмыс топтарының) қазақстандық бөлігінің тең төрағаларын және жауапты құрылымдық бөлімшелерін бекіту туралы
Қазақстан Республикасы Инвестициялар және даму министрінің 2016 жылғы 19 ақпандағы № 206 бұйрығы
«Шет елдермен ынтымақтастық жөніндегі бірлескен үкіметаралық комиссиялардың (комитеттердің, кеңестердің) және олардың кіші комиссияларының (кіші комитеттердің, жұмыс топтарының) қазақстандық бөлігінің ережесін бекіту туралы» Қазақстан Республикасы Үкіметінің 2002 жылғы 12 желтоқсандағы № 1304 қаулысына сәйкес БҰЙЫРАМЫН:
1. Осы бұйрыққа 1-қосымшаға сәйкес министрлікпен бекітілген шет елдермен ынтымақтастық жөніндегі бірлескен үкіметаралық комиссиялардың, комитеттердің, кеңестердің және олардың кіші комиссияларының, кіші комитеттердің, жұмыс топтарының қазақстандық бөлігінің тең төрағалары және қазақстандық бөлігін жүргізуге жауапты Қазақстан Республикасы Инвестициялар және даму министрлігінің құрылымдық бөлімшелері бекітілсін.
2. Осы бұйрыққа 2-қосымшаға сәйкес Қазақстан Республикасының Үкіметіне бекітілген шет елдермен ынтымақтастық жөніндегі бірлескен үкіметаралық комиссиялардың, комитеттердің, кеңестердің және олардың кіші комиссияларының, кіші комитеттердің, жұмыс топтарының қазақстандық бөлігін жүргізуге жауапты Қазақстан Республикасы Инвестициялар және даму министрлігінің құрылымдық бөлімшелері айқындалсын.
3. Министрліктің жауапты құрылымдық бөлімшелерінің басшыларына тең төрағаларымен және Қазақстан Республикасының мүдделі мемлекеттік органдарымен және өзгеде ұйымдарымен бірлесіп үкіметаралық комиссиялардың қазақстандық бөлігінің жұмысын Қазақстан Республикасының заңнамасында белгіленген тәртіпте үйлестірсін.
