Терроризмді және экстремизмді қаржыландырумен байланысты ұйымдар мен тұлғалардың тізбесін жасау және оны мемлекеттік органдардың назарына жеткізу қағидаларын бекіту туралы
Қазақстан Республикасы Қаржы министрінің 2015 жылғы 20 қарашадағы № 576, Қазақстан Республикасы Ішкі істер министрінің 2015 жылғы 25 қарашадағы № 962, Қазақстан Республикасы Сыртқы істер министрінің 2015 жылғы 30 қарашадағы № 11-1-2/539, Қазақстан Республикасы Бас прокурорының 2016 жылғы 20 қаңтардағы № 6, Қазақстан Республикасы Ұлттық қауіпсіздік комитеті Төрағасының 2016 жылғы 14 қаңтардағы № 17, Қазақстан Республикасы Әділет министрінің 2016 жылғы 25 қаңтардағы № 34 бірлескен бұйрығы
ҚР Қаржы министрінің 2020 жылғы 21 қыркүйектегі № 895, ҚР Ішкі істер министрінің 2020 жылғы 23 қыркүйектегі № 640, ҚР Сыртқы істер министрінің 2020 жылғы 23 қыркүйектегі № 11-1-4/262, ҚР Ұлттық қауіпсіздік комитеті Төрағасының 2020 жылғы 23 қыркүйектегі № 55/қе және ҚР Бас прокурорының 2020 жылғы 28 қыркүйектегі № 116 бірлескен бұйрығымен күші жойылды (2020 жылдың 15 қарашасынан бастап күшіне енді)
«Қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл туралы» 2009 жылдың 28 тамызындағы Қазақстан Республикасы Заңының 12-бабының 2-тармағына сәйкес БҰЙЫРАМЫЗ:
1. Қоса беріліп отырған терроризмді және экстремизмді қаржыландырумен байланысты ұйымдар мен тұлғалардың тізбесін жасау және оны мемлекеттік органдардың назарына жеткізу қағидалары бекітілсін.
2. Қазақстан Республикасының Қаржы министрлігінің Қаржы мониторингі комитеті (Б.Ш. Тәжіяқов) заңнамада бекітілген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты мемлекеттік тіркелгеннен кейін күнтізбелік он күн ішінде мерзімді баспасөз басылымдарында және «Әділет» ақпараттық-құқықтық жүйесінде ресми жариялауға жіберуді;
