«Жергілікті атқарушы органдар қызметінің тиімділігін бағалау үшін сауда саласындағы нысаналы индикаторларды есептеу әдістемесін бекіту туралы» Қазақстан Республикасы Премьер-Министрінің орынбасары - Сауда және интеграция министрінің міндетін атқарушының 2023 жылғы 30 наурыздағы № 126-НҚ бұйрығы

Жергілікті атқарушы органдар қызметінің тиімділігін бағалау үшін сауда саласындағы нысаналы индикаторларды есептеу әдістемесін бекіту туралы

Қазақстан Республикасы Премьер-Министрінің орынбасары - Сауда және интеграция министрінің міндетін атқарушының 2023 жылғы 30 наурыздағы № 126-НҚ бұйрығы

«Сауда қызметін реттеу туралы» Қазақстан Республикасы Заңының 7-бабының 15-8) тармақшасына сәйкес БҰЙЫРАМЫН:

1. Қоса ұсынылған Жергілікті атқарушы органдар қызметінің тиімділігін бағалау үшін сауда саласындағы нысаналы индикаторларды есептеу әдістемесі бекітілсін.

2. Қазақстан Республикасы Сауда және интеграция министрлігінің Сауда комитеті заңнамада белгіленген тәртіппен осы бұйрықты Қазақстан Республикасы Сауда және интеграция министрлігінің интернет-ресурсында орналастыруды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Сауда және интеграция вице-министріне жүктелсін.

4. Осы бұйрық қол қойылған күнінен бастап күшіне енеді.

Қазақстан Республикасы

Премьер-Министрінің орынбасары -

Сауда және интеграция министрінің

міндетін атқарушының

2023 жылғы 30 наурыздағы

№ 126-НҚ бұйрығымен

бекітілген

Жергілікті атқарушы органдар қызметінің тиімділігін бағалау үшін сауда

саласындағы нысаналы индикаторларды есептеу

әдістемесі

1-тарау. Жалпы ережелер

1. Осы Жергілікті атқарушы органдар қызметінің тиімділігін бағалау үшін сауда саласындағы нысаналы индикаторларды есептеу әдістемесі (бұдан әрі - Әдістеме) «Сауда қызметін реттеу туралы» Қазақстан Республикасы Заңының 7-бабының 15-8) тармақшасына сәйкес әзірленді және облыстардың, республикалық маңызы бар қалаларының жергілікті атқарушы органдар (бұдан әрі - ЖАО) қызметінің тиімділігін бағалауды жүргізу тәртібін айқындайды.

2. Осы Әдістемені ЖАО қызметінің тиімділігін бағалау үшін сауда саласындағы нысаналы индикаторларды есептеу кезіндегі сауда қызметінде уәкілетті органның ведомствасы (бұдан әрі - ведомство) қолданады.