Жылу энергетикасы объектілерін пайдалану және олардың техникалық жай-күйі, жылу өндіруші және жылу тасымалдаушы субъектілер бөлігінде жылу энергетикасы саласында және энергетикалық жабдықты пайдалану және олардың техникалық жай-күйі, энергия өндіруші ұйымдар (жаңартылатын энергия көздерін қоспағанда), энергия беруші ұйымдар және жүйелік оператор бөлігінде электр энергетикасы саласында мемлекеттік бақылау жүргізу кезінде қолданылатын құжаттар мен актілердің нысандарын бекіту туралы
Қазақстан Республикасы Энергетика министрінің 2024 жылғы 1 қазандағы № 352 бұйрығы
«Электр энергетикасы туралы» Қазақстан Республикасының Заңы 6-2-бабының 3-тармағына, 6-3-бабының 3-тармағына, 6-4-бабының 13, 18 және 23-тармақтарына, «Жылу энергетикасы туралы» Қазақстан Республикасының Заңы 12-бабының 3-тармағына, 13-бабының 3-тармағына, 14-бабының 13, 18 және 23-тармақтарына сәйкес БҰЙЫРАМЫН:
1. Мына нысандар:
1) осы бұйрыққа 1-қосымшаға сәйкес қашықтан бақылау нәтижелері туралы қорытынды;
2) осы бұйрыққа 2-қосымшаға сәйкес тексерулер тізімі;
3) осы бұйрыққа 3-қосымшаға сәйкес тексерулердің жылдық тізімі;
4) осы бұйрыққа 4-қосымшаға сәйкес тексеруді тағайындау туралы акт;
5) осы бұйрыққа 5-қосымшаға сәйкес жұмыстан тыс уақытта тексеруді жүргізу туралы бұйрық;
6) осы бұйрыққа 6-қосымшаға сәйкес тексеруді ұзарту туралы акт;
7) осы бұйрыққа 7-қосымшаға сәйкес тексеруді тоқтата тұру туралы акт;
8) осы бұйрыққа 8-қосымшаға сәйкес тексеруді қайта бастау туралы акт;
9) осы бұйрыққа 9-қосымшаға сәйкес тексеру нәтижелері туралы акт;
10) осы бұйрыққа 10-қосымшаға сәйкес анықталған бұзушылықтарды жою туралы нұсқама;
11) осы бұйрыққа 11-қосымшаға сәйкес анықталған бұзушылықтарды жою жөніндегі іс-шаралар жоспары бекітілсін.
2. Қазақстан Республикасы Энергетика министрлігі Атомдық және энергетикалық қадағалау мен бақылау комитеті Қазақстан Республикасының заңнамасында белгіленген тәртіппен:
